Modern Family
Seisoen 9 M-Net (*101) 19:00 Komedie
Ná nege seisoene twyfel Ty Burrell se karakter Phil Dunphy, TV se geliefde dog lawwe pa, aan homself in Modern Family (2009-nou). “Hy bedank sy werk om sy eie eiendomsagentskap te begin. Hy soek duidelikheid, want dis ’n groot stap en as hy misluk, gaan sy skoonpa, Jay (Ed O’Neill), hom nooit daarvan laat vergeet nie,” verduidelik Ty. “Maar julle ken die sorgelose Phil – dinge werk altyd uit, selfs al werk dit nie uit nie. Op ’n manier laat hy dit altyd werk.”
Ty en Matt LeBlanc 1 (Joey in Friends, 19942004) het om die rol van Phil meegeding. Ty sê dit “was intimiderend, want ek het gehou van Matt se werk in Friends”. 2 Die 51-jarige het reeds planne vir wanneer Modern Family eindig (dis vir ’n tiende seisoen volgende jaar hernu). “Ek is nie seker of ek die rol van Phil wil verleng in ’n splinterreeks as dit wel gebeur nie. Ek gaan dalk ophou toneelspeel wanneer ons hier klaarmaak.” 3 Ty sê grappenderwys om Phil te speel was die beste les in ouerskap: “Hy is ’n Amerikaanse pa en iets waarna ons vir ons kinders kan strewe.” Die akteur en sy vrou, Holly, het hul dogters, Frances (8) en Greta (6), in onderskeidelik 2010 en 2012 aangeneem. 4 Hy het wel ander “babas” waaraan hy aandag moet gee: sy sportspanne (die Oregon Ducks, Portland Trail Blazers, New York Mets en LA Rams), en sy kroeg, Bar-X, in Salt Lake City. 5 Hoewel Ty baie omgee vir die omgewing, sal hy nooit in ’n elektriese kar ry nie – hy is hopeloos te lief vir sy 1965-VW Beetle. 6 Hy hou van kunsvlieghengel, al is hy glad nie goed daarmee nie.