Family Feud US

Seisoen 1 e.tv (*194) 16:25 Realiteit

Die aanbieder Steve Harvey is die eerste een wat erken van die antwoorde in sy speletjiesprogram Family Feud (1976nou) “is van die domste wat ek al in my lewe gehoor het. Het hierdie mense ooit skool toe gegaan? Was hulle afwesig toe algemene kennis uitgedeel is?” Die basiese formaat is al byna 50 jaar dieselfde, met twee families wat voor hul mededingers die knoppie probeer druk om antwoorde op die vrae te gee. Maar party dinge het wel verander, soos die aanbieders . . .

Steve is aangestel “as ’n laaste 1 uitweg om die program te red”, sê Jennifer Mullin van die produksiemaatskappy Freemantle. “Binne ’n jaar het ons kykertal vyfvoudig toegeneem, wat ons een van die topvyf- gesindikeerde speletjiesprogramme in die VSA maak.” 2 CBS het die stel in 2011 van LA (waar dit opgeneem is) na Florida verskuif, want Steve woon ’n uur daarvandaan in Atlanta, Georgia. Dis toe in 2012 na Atlanta verskuif. Die eertydse aanbieder Richard 3 Dawson het die vroue-deelnemers ’n piksoentjie op die wang gegee om hulle te verwelkom, maar in 1978 ná 400 klagtes daarmee opgehou. 4 Daar is al drie splinterreekse en meer as 50 internasionale weergawes, maar Family Feud is self ’n splinterreeks van die paneel-speletjiesprogram Match Game (1962-nou). Die wenners kry hul wengeld, wat 5 tot $25 000 (R380 000) kan beloop, eers ná 90 dae sodat dit belastingvry is. Die professionele skerpskertser 6 Steve het nie ’n teks nie. “Alles wat ek sê gebeur net daar tydens die opname,” sê hy. 7 En ja, die program vra vir geboortesertifikate om seker te maak die deelnemers is regtig familie.