Eendagkrieket: SA t. Zimbabwe
SABC3 (*193)/SS2 (*202) vanaf 12:00 Sport
Die Proteas pak hul noordelike bure vandag in Bloemfontein in die tweede eendagwedstryd van Zimbabwe se toer in Suid-Afrika, wat ook drie T20-wedstryde insluit. Maar voor jy nog sesse van ons topkolwers wil vier, is daar heelwat om te weet oor die opwinding van eendagkrieket.
Die dae van die tradisionele wit 1 klere en rooi krieketbal is sedert die vroeë 2000’s verby . . . In eendagkrieket dra die manne helder kleure wat by die feestelike aard van die sport pas, en die wit of pienk bal word gebruik sodat die spelers dit beter in die aand kan sien. 2 Die eerste eendagwedstryd is in 1971 gespeel toe reën ’n vyfdagtoets tussen Australië en Engeland vertraag het. Die spanne het besluit om ’n vinnige 40 boulbeurte van 8 balle elk te speel om die toeskouers te vermaak. Suid-Afrika het tot dusver 35 van 3 hul 38 ODI’s teen Zimbabwe gewen, Zim was twee keer aan die wenkant en een het onbeslis geëindig. Die Proteas was die agtste span 4 wat permanente ODI-status gekry het, in 1991, en Zim was negende, in 1992. Dit beteken standaardreëls geld vir hul wedstryde, anders as spanne wat tydelike status het, soos Nepal en Nederland vir spesiale toernooie soos die Wêreldbeker. 5 Suid-Afrika word tans beskou as die vierde beste ODI-span in wêreldkrieket, met Zimbabwe elfde. ODI’s is eers wedstryde met 6 beperkte boulbeurte genoem, maar dit het in 2003 verander met die bekendstelling van die T20-formaat. 7 Zim was in 2017 in SA vir kriekettoetse – hul laaste ODI hier was in 2015 en SA het met 62 lopies gewen.