A Very English Scandal

Seisoen 1 M-Net (*101) 23:05 Drama

Wie is ’n beter keuse om lid van die hoëlui en Britse politikus van die 1970’s te speel as Hugh Grant? Die 58-jarige vertolk die rol van Jeremy Thorpe in die drie episode lange biografiese minireeks A Very English Scandal (2018) en erken om so ’n vooraanstaande persoon uit te beeld was senutergend. “Die man is aangekla van moord, maar die eintlike skandaal destyds was die onthulling van sy gay-leefstyl. Dit was taboe en is afgekeur. Ek onthou hoe almal daaroor gepraat het.”

Hugh beweer as hy nie akteur ge1 word het nie sou hy sy pa en oupa na die leër gevolg het, al is hy bang vir vuurwapens. Sy ma, Fyvola Susan, ’n onderwyse2 res, het hom dramaklasse laat neem om hom besig te hou. Hugh het so goed gevaar hy het beurse na Oxford gekry, wat hy aanvaar het, en nog een van The Courthauld Institute vir sy doktorsgraad in drama, wat hy nie aanvaar het nie om sy loopbaan te volg. Hugh se deurbraakrol het byna nie 3 gebeur nie. Die grimeerkunstenaar het aangebied om visueel ’n sespak op sy maag te skep vir ’n kaal toneel as Charles in die 1994-komedie Four Weddings & A Funeral. Hugh het beleef gevra: “Stel ’n dubbelganger aan, asseblief, of ek loop.” Die toneel is laat vaar. As tiener het hy sokker, krieket en 4 gholf gespeel, al het hy deesdae minder tyd daarvoor as ’n pa van vyf. Hy het twee kinders van sy fling met die ontvangsdame Tinglan Hong – Tabitha (7) en Felix Chang Hong (5) – en drie by sy vrou, Anna Eberstein, ’n TV-programvervaardiger – John Mungo Grant (6) en ’n driejarige asook ’n pasgeborene.