Little Big Shots

Seisoen 3 M-Net-dek/sat (*101) 16:00/17:00 Realiteit

Hoe kleiner die deelnemer, hoe groter die talent in die realiteitsprogram Little Big Shots (2016-nou). Die kinderdeelnemers bekoor selfs die aanbieder Steve Harvey, wat gedink het hy’t al alles in sy loopbaan van 40 jaar in die vermaakbedryf gesien. “Ek en ’n bekkige knapie het ’n gesprek van 42 minute gevoer. Seker die vermaaklikste 42 minute in my lewe. En ons het in twee verskillende tale gepraat.” Wat moet kykers nog van die besonderse program weet?

Steve is meer as die aanbieder – hy is ook die medeskepper en uitvoerende vervaardiger saam met die kletskoningin Ellen

DeGeneres (The Ellen DeGeneres Show, 2003-nou). “Ons het gesels en die idee gekry om American Idol (2002-nou) en Kids Say the Darndest Things (19951998) te kombineer,” vertel Steve. Dis die enigste program waarvoor Steve bereid is om LA toe te vlieg, want die deelnemers is so jonk en dis makliker vir hul ouers. Sy ander produksies is almal in Atlanta, waar hy woon. Die enigste vereiste is die kinders moet 12 jaar of jonger wees. Die meeste ander talentprogramme aanvaar net deelnemers van 13 jaar of ouer. Dis ná net vier episodes vir ’n tweede seisoen hernu – die kykertal per episode was 16 miljoen, en word net deur The Voice (2011-nou) oortref. Daar is 16 internasionale weergawes en die 2017-splinterreeks Little Big Shots: Forever Young met senior burgers. Hoekom is Steve so sprakeloos? Want hy ontmoet sy gaste eers as hulle op sy bank kom sit, en hy sien nes die gehoor dan eers hul talent.