Dis nou – of nooit

Le­ti­tia is al een wat Bin­ne­land en die sie­kes kan red.

TV Plus (Afrikaans) - - BINNELANDERS -

Meer en meer men­se word siek van die gif­ti­ge pa­to­geen wat die ter­ro­ris­broers Jo­nas (Ja­c­ques Gom­bault) en Es­ra (Francois Ja­cobs) in Bin­ne­land ge­plant het om dr. At Kos­ter (Hans S­try­dom) af te pers. Die twee broers se eis is een­vou­dig: óf hul­le sink die Bin­ne­land-kli­niek met be­wy­se van die 1 mil­joen dol­lar wat At in Au­gus­tus on­wet­tig as los­prys be­taal het om twee dok­ters uit die kloue van die ter­ro­ris­te in die Kon­go te be­vry, óf At spoor prof. Le­ti­tia Sny­man (Ri­ka Sen­nett) op om ’n gif­ti­ger pa­to­geen vir hul­le te ont­wik­kel.

Le­ti­tia het ja­re te­vo­re in die ou po­li­tie­ke be­de­ling ’n pa­to­geen vir die weer­mag vir moont­li­ke oor­log­voe­ring ont­wik­kel, en At het uit­ge­vind hoe do­de­lik die pa­to­geen is. Hy het haar by die me­die­se raad aan­ge­gee en sy het haar werk ver­loor – iets waar­voor sy At steeds ver­kwa­lik.

TEENMIDDEL NO­DIG

Ter­wyl die broers ’n do­de­li­ker pa­to­geen soek om vir oor­log­voe­ring te ge­bruik of ten duur­ste aan ter­ro­ris­te te ver­kwan­sel, het At Le­ti­tia se hulp no­dig om die pa­to­geen-stam wat in sy hos­pi­taal uit­ge­breek het, te i­den­ti­fi­seer en ’n teenmiddel te ont­wik­kel – voor meer men­se sterf of be­smet word.

At en sy hand­lan­ger Piet (De­on Coet­zee) gaan op Vry­dag 9 No­vem­ber na Le­ti­tia se plaas waar sy in af­son­de­ring woon. Wan­neer hy aan haar deur klop, wil sy nie oop­maak nie en At los ’n tas met do­ku­men­te op haar voor­stoep. “At kruip in die tuin weg en sien dan hoe sy die tas gaan haal,” ver­tel Ri­ka. Die vol­gen­de dag bel Le­ti­tia vir At en sê sy is be­reid om die stam te i­den­ti­fi­seer, maar sy het bloed- en spoeg­mon­sters van die be­smet­tes no­dig. “Sy wil­lig in, want sy be­sef men­se se le­we is op die spel en sy het die kun­dig­heid om hul­le te red.”

NI­NA WORD SIEK

Om­dat slegs die raads­le­de van Jo­nas se af­per­sing en At se ver­bin­te­nis met Le­ti­tia weet, moet At ’n lieg­sto­rie vir Ter­ti­us (Reyn­hardt Hugo) ver­tel oor waar­om hy die mon­sters no­dig het. En dan kry At sleg­te nuus: sy klein­kind Ni­na (Le-An­che van den Berg), Ter­ti­us se dog­ter, ont­wik­kel op Vry­dag 9 No­vem­ber ’n hoë koors en word in die Bin- ne­land-kli­niek op­ge­neem. Dit lyk as­of Ni­na ook deur die pa­to­geen be­smet is.

Le­ti­tia be­ves­tig die pa­to­geen is ’n du­pli­ka­sie van wat sy des­tyds ont­wik­kel het, en op Maan­dag 12 No­vem­ber vra At vir An­ne­li­ze (Cin­dy S­wa­ne­poel) om Le­ti­tia na­mens hom te gaan spreek om Jo­nas op ’n dwaal­spoor te bring. “An­ne­li­ze vra Le­ti­tia om on­mid­del­lik ’n teenmiddel te ont­wik­kel,” ver­tel Ri­ka. “Le­ti­tia be­sef sy het des­tyds ’n mon­ster ge­skep en dit mo­ti­veer haar.”

NU­WE SLINKSE PLAN­NE

Jo­nas is ge­frus­treerd om­dat At hul­le nog nie na Le­ti­tia ge­lei het nie. At het Jo­nas juis ont­duik toe hy op Vry­dag 9 No­vem­ber na Le­ti­tia se plaas ge­ry het. Jo­nas, wat hom as Cron­jé aan Ter­ti­us en die res van die per­so­neel voor­ge­doen het en wie se wer­kers self in i­so­la­sie in Bin­ne­land lê, bel Ter­ti­us op Woens­dag 14 No­vem­ber in die hoop om meer in­lig­ting oor At se vor­de­ring te kry.

Jo­nas sê daar’s wel ’n teenmiddel vir die pa­to­geen. “Dan ver­tel Jo­nas vir Ter­ti­us At en Le­ti­tia het ’n ver­bin­te­nis. Dit maak Ter­ti­us angs­be­van­ge en hy ver­moed daar is ’n slang in die gras,” ver­tel Ja­c­ques.

Le­ti­tia spook steeds met die teenmiddel, tot An­ne­li­ze op Don­der­dag 15 No­vem­ber vir haar me­die­se ver­slae gee en al­les in plek val. Sy weet sy werk teen tyd om le­wens te red – ver­al klein Ni­na s’n.

Ter­ti­us, Jo­nas en Es­ra plaas druk op Le­ti­tia (in­las) om die pa­to­geen-stam te i­den­ti­fi­seer en ’n teenmiddel te ont­wik­kel. Jo­nas en Es­ra is aan Le­ti­tia se ge­na­de uit­ge­le­wer.

Piet en At ver­keer in le­wens­ge­vaar wan­neer Es­ra hul­le wil s­kiet.

Newspapers in Afrikaans

Newspapers from South Africa

© PressReader. All rights reserved.