kykNET Weekdae 18:30
kykNET & kie Weekdae 18:30 M-Net-dek. Weekdae 17:30 kykNET (*144) Weekdae 23:00 kykNET & kie (*145) Weekdae 14:00
VERLEDE KEER
Wade het by Suidooster-Eiendomme ingebreek en die plek verniel, Tim en Stefan het oor hul erfstukke van oom Willie gestry, en Rhafiek en Carmen het ’n eie besigheid begin.
5 – 7 DESEMBER
Suidooster-Eiendomme se werknemers is in rep en roer oor die groot dag vir hul ontwikkelingsprojek, en Danni kry goeie nuus, maar André reageer vreemd en verklap ’n geheim. Mrs. J het ’n groot verrassing vir Ronald, en Zoe is geskok wanneer sy hoor Wade het Ruiterbosch verlaat. Danni luister na oom Willie se volle lewensverhaal, en die spanning loop hoog tussen SuidoosterEiendomme en Nina se trawante.
10 – 14 DESEMBER
Stefan en Tim vind uit Willie se skildery het sentimentele waarde vir André, Wade en Zoe se lewe is in gevaar, en Danni wil hê Tim en Stefan moet die regte ding doen oor die skildery. Rhafiek, Carmen en Bianca sit weer vas oor die SE-aandele, Ian plaas druk op Zoe by die werk, en Ronald het ’n probleem. Rhafiek en Carmen kry uiteindelik ’n huis om te verkoop, Ty is moeg vir Wade se neerslagtige houding, Ronald aanvaar teësinnig Mrs. J se hulp, en die Gerbers is oorgehaal om hul groot droom te verwesenlik.
17 – 18 DESEMBER
Carmen en Rhafiek se onderneming kry nuwe momentum, Justin het ’n nuwe vierpotige vriend, die spanning tussen Ian, Rhafiek en Carmen loop hoog, en Bridgette vind uit Stefan en Tim besit nie meer die skildery nie.