Mzansi Weekdae 21:00

VERLEDE KEER

Die dwelmkoningin Harriet lê haar planne teen haar mededinger Diamond uit, Kagiso sukkel om van sy eks-meisie Kamina te vergeet, en Goodness wou van haar ma Gracious se katelknaap-minnaar Schumacher ontslae raak.

5 – 7 DESEMBER

Die Khozas sit hul verskille en binnegevegte eenkant om Diamond op te spoor en te straf omdat hy Kagiso se verhouding met Kamina verongeluk en hul lewens in gevaar gestel het. Gracious baklei om haar verhouding te red, en ’ n vreemdeling kruip uit die skadu’s tot in die Khoza-binnekring. Gracious kom by die wese van haar kwessies met Schumacher uit, en Harriet kry wat nodig is om Diamond te vernietig.

10 – 14 DESEMBER

Martha help Goodness om van Schumacher ontslae te raak en van Gracious se geld weg te kry, en die homofobiese Brutus gee sy seun Bheki toestemming om Prince te date. Gracious mis Schumacher se geselskap meer as wat sy besef, en Brutus gryp in om Bheki te red voordat hy moeilikheid kry. Schumacher trotseer Gracious se beheersugtige familie om sy liefde te bely, en Diamond kan nêrens wegkruip nie wanneer die Khoza-broers, Kagiso en Shaka, hom opspoor.

17 – 18 DESEMBER

Vuyiswa en Zack besluit om hul verhouding aan hul kollegas te openbaar, en Diamond ontsnap na veiligheid. Zack voel later verplig om sy romanse te beëindig.