Burn Notice
Seisoen 2 e.tv (*194) 09:30 Aksie
Jeffrey Donovan ken van harde bene kou soos sy voormalige spioen-karakter Michael Westen ervaar nadat hy ontmasker, verneder en vals beskuldig is in die aksiereeks Burn Notice (2007-2013). “Hy kry nie ’n kans nie en niemand wil saam met hom werk nie. Toe ek grootgeword het, wou niemand met my maats wees nie omdat ek so arm was,” sê die 50-jarige akteur. “Dis nie lekker om ’n alleenloper te wees nie maar soos Michael sy span het, het ek my broers gehad. Ek het dus die opleiding vir die rol – en ek het as volwassene meer vriende.”
1 Jeffrey was so arm as kind in Massachusetts hy het Kersgeskenke twee keer gekry. “Ons het welsyngeld gekry en my ma het geskenke van die vorige jaar oortoegedraai,” sê Jeff. 2 Hy het ’n studiebeurs na ’n private kollege gekry ná sy drama-onderwyser op hoërskool vir hom gejok het – hy het gedink hy doen ’n oudisie vir ’n skoolopvoering maar onderwysers van die kollege was in die gehoor. 3 Jeff het op kollege by die gevegskuns betrokke geraak en beoefen Shotokan-karate al 30 jaar. Hy beoefen ook Brasiliaanse jujitsu en aikido. 4 Hoewel hy sy eie waagtoertjies doen, is hy nog nie op stel beseer nie. Hy is baie lomper by die huis – hy het sy hand op ’n laai oopgesny en het van ’n kaai afgeval en sy knie oopgesny. 5 Sy groot verleiding is die tuin, wat hy as kind nooit gedroom het hy sal hê nie, by sy huis. Jeffrey sê: “Ons het nooit ’n tuin gehad nie. Nou bestee ek soveel tyd as wat ek wil in my tuin.” 6 Hy het nie geldkwellings nie – hy het $150 000 (R2 miljoen) per episode vir Burn Notice gekry en hy het sy woonstel in Miami in 2015 teen ’n wins van $1 million (R14 miljoen) verkoop.