Bring en braai
Gryp die braaitang, meng die speserye en die marinade – The Ultimate Braai Master gaan die kole weer laat knetter.
Om ’n tjoppie te kan braai gaan nie genoeg wees in die sesde seisoen van The Ultimate Braai Master (2012nou) nie, sê die uitvoerende vervaardiger, Peter Gird. “Het jy al probeer om ’n kaas-laagkoek oor die kole gaar te maak? Dis ’n ware uitdaging – en een waarmee ons 13 spanne van twee elk te doen gaan kry.” Altesaam 26 vars nuwe braaikenners is einde 2018 by die diep kant ingegooi toe hulle plaaslik verfilm en hul vaardighede beproef is met vleis, brood en enigiets anders wat ’n mens op ’n rooster kan gooi. “Ons het hul grense verskuif om te sien hoe skeppend hulle kan wees,” sê Peter, en voeg by elke seisoen het ook die span getoets.
BRAAIKONINGS
Die sjef, aanbieder en mede- uitvoerende vervaardiger, Justin Bonello, is vergesel deur sy seisoen 5-beoordelaars Benny Masekwameng en Pete Goffe- Wood en die kontinuïteit is betekenisvol vir die reeks. “Ons is mal oor hulle,” sê Peter. “As sjefs bring hulle kos-magic na Ultimate Braai Master en ons deelnemers vertrek ná hulle by professionele sjefs geleer het.” ’n Braaikoningin sal by die drie konings aansluit, al hou die span dit ’n verrassing – kyk episode 8 (24 Maart) om te sien wie dit is.
LIGGING
Seisoen 6 is oral geskiet, van Stutterheim in die Oos-Kaap tot Soetwater in Kaapstad, en die plek het die uitda- ging en bestanddele beïnvloed, verduidelik Peter. “Om ’n spens te skep is moeilik. Ons beplan dit vooraf, want wat die logistiek betref is die reeks reusagtig.” Afgesien daarvan dat bestanddele gevind moes word wat vars en maklik beskikbaar is, moet die reeks ’n span van so 50 bestuur, met 26 deelnemers wat 14 tot 18 uur per dag werk, ses dae per week vir agt weke lank.
BRAAIWEER
Die reeks beplan vir ongunstige weerstoestande, onthul die uitvoerende vervaardiger. “Ons leuse is: ‘Reën of wind of sonskyn, ons braai!’” Moeder Natuur het ons dié seisoen beproef en ’n paar vure geblus met reën of wind, maar die deelnemers het vasgebyt. “Dit was gelukkig nie soos die tropiese storm in seisoen 5 se slotepisode in April 2017 nie. In die sesde seisoen was dit braaibesigheid soos gewoonlik,” voeg Peter by.