WAT LAAS GEBEUR HET
Dit spook by Diederik dat hy nie weet hoe hy die MI-virus opgedoen het nie. In terugflitse in Januarie het ons gesien hoe Diederik by verskeie vroue geslaap het toe hy in Mei 2018 aan dwelms verslaaf was. “Dit kon die oorsaak wees,” sê Hennie. “Maar dit kon ook weens ’n besmette dwelmnaald wees.”
Hoe dit presies gebeur het, gaan Diedie nie uitvind nie – iets wat dikwels in die werklike lewe by lyers die geval is. “Diederik het nog nie vrede in sy hart nie, maar ek glo dit sal mettertyd kom. Om MIV-positief te wees is nie ’n doodsvonnis nie. Dis ’n siekte waarmee jy kan saamleef, nes mense wat aan diabetes ly. As jy gesond lewe, en elke dag jou medikasie drink, is daar geen rede waarom jy nie ’n lang en betekenisvolle lewe kan hê nie.”