18 – 22 FEBRUARIE
Die Bhengu’s is stomgeslaan wanneer Phunyuka gearresteer word ná hy skuld erken vir die moord op Nganono, en Maharaj vlug land uit. Ngcolosi is platgeslaan ná nog ’n intieme verraad maar dit gee hom die plan om die familie te herenig, terwyl Phakade en Phunyuka baklei. Sipho ignoreer Nomusa se ongemak met sy toenadering en hy probeer Khanyo sover kry om oor haar seksuele ervarings te praat. Liyana sê Mnyamane af ná sy en Zithulele hom betrap waar hy Futhi soen, en Thu Sheleni spoor Zithulele aan om ’n komedie-aand by Emsamo te hou.