Nou in Amerika

BOLD

Brooke troos Hope ná die verlies van baba Beth, en Liam gaan na Steffy en klein Kelly vir hulp en om aanneming te bespreek. Reese stel Taylor aan ’n vrou, Florence, voor wat ’n huis vir haar pasgebore baba soek, maar vertel haar nie Florence het Reese al tevore ontmoet nie. Steffy keur Taylor se plan goed, en Will se finansiële sin beïndruk Bill. Will vra Bill of hy steeds lief is vir Katie, en Katie vra Thorne om Bill vir ete te nooi. Sally bring vir Hope ’n geskenk wanneer sy haar saam met Wyatt besoek, en Florence stem in om Reese te help om Zoe te beskerm.

DAYS

Jennifer probeer Jack se geheue aanhelp, en Jack het ’n oomblik van konneksie met JJ. Stefan en Gabi stry oor haar Gabi Chic-etiket, Will vra John om te help om Leo uit sy lewe te kry, en Leo stel ’n vennootskap aan Xander voor. Eric gaan Xander te lyf, Rex maak weer kontak met Chloe, en Sarah kom nader aan Eric, maar Rex wil Sarah terughê. Melinda probeer haar en Haley se verlede geheim hou terwyl sy besig is met haar veldtog om Salem se nuwe burgemeester te word. Rafe besluit om Salem te verlaat om Sami te gaan help, en Kate wil hê Abby en Chad moet weer versoen raak.

Y&R

Victor en Nick sit hul verskille eenkant om Nikki te help ná sy Nick vertel hoe en hoekom sy JT doodgemaak het en dat Victor tronk toe is om haar te beskerm. Phyllis ontmasker JT as ’n gewelddadige mishandelaar by sy roudiens, Arturo sê vir Abby hy het haar lief, en Mia vergelyk Sharon met ’n goedkoop matras. Victoria gaan na Billy om met hom versoen te raak ná sy gesien het hy verander ná JT se roudiens, maar Phyllis sê vir haar sy is net tweede beste want Billy wou met haar, Phyllis, versoen raak en sy het hom verwerp. Billy wil wraak neem, en iemand hou Nikki dop.