Magnum, P.I.
Seisoen 1 M-Net (*101) 20:00 Aksie
Los Angeles is so na aan Hawaii as wat jy in TV-land kan kry danksy die palmbome, wit sandstrande en tropiese gevoel. Maar Jay Hernandez het die ware Jakob gekies as die private speurder Thomas Magnum in die 2018-weergawe van die 1980’s se aksiereeks wat deur Tom Selleck beroemd gemaak is en hy is dolgelukkig, want “ons werk in Hawaii. Dis soos ’n werkvakansie. Ons skiet klaar en drink drankies op die strand. Dis die lewe!”
Die 40-jarige akteur is in Kalifornië gebore en getoë en surf sy hele lewe lank, want hy beskou dit as die beste oefening. Hy was amper ’n motorwerktuigkundige soos sy pa, Javier Hernandez sr., maar ’n talentsoeker het hom oorreed om dramaklasse te neem terwyl hy op hoërskool was. Jay het sy vrou, Daniella (Atlanna in die 2006-animasiereeks Aquaman), op stel ontmoet toe hulle in 1995 aan tienersitkom Hang Time (1995-2000) gewerk het. Hulle is in 2006 getroud. Hoewel hy gruwelflieks haat – hy’s bang vir die donker – was Jay al in ’n paar van hulle, soos die 2005-mesfliek Hostel en 2007 se Grindhouse. Hy het ’n prostetiese pruik van die hand gewys vir sy rol in die 2016-strokiesprentfliek Suicide Squad, en verkies om sy kop kaal te skeer as die brandweerman
Hy sal nie vir die vervolgfliek terugkeer nie omdat sy karakter dood is en Magnum, P.I. vir ’n seisoen 2 hernu is. Jay is ’n bietjie van ’n smulpaap wanneer hy tuis is en maak volgens hom “’n heerlike liggeroosterde steak en eruca-slaai met Suid-Afrikaanse wyn”.