Baba in die middel
Lehasa weier om te glo Lelo verwag sy kind.
As die korrupte sakeman Lehasa (Cedric Fourie) gedink het hy kan sy oudgevangene-meisie wat by hom bly Lelo (Amanda du-Pont) soos ’n slegte gewoonte los en hom op die groei van sy restaurantryk toespits, moet hy weer dink. “Sy beweer sy is swanger met Lehasa se baba,” sê Cedric, maar sy karakter glo dit nie. Lelo se swangerskapnuus kon nie op ’n slegter tyd in hul verhouding gekom het nie. Hy oorweeg dit al ’n ruk lank om haar te los ná hul rusies oor sy laataand-ontmoetings met sy sakevennoot Candice (Liza van Deventer) en “hy gebruik altyd beskerming. Lehasa is nie ’n dwaas nie en hy oorweeg nie eens die moontlikheid dat die baba syne kan wees nie,” verduidelik die akteur. Lehasa dink Lelo maak stories op om te keer dat hy sake doen met Candice.
PROBLEME IN DIE PARADYS
Lelo sal in die moeilikheid wees as Lehasa haar uitskop en sy weet dit. Benewens die voordele van ’n pragtige uitsig en toegang tot ’n gim en swembad sal sy haar paroolvoorwaardes verbreek as sy nie ’n geskikte blyplek het nie. “Die owerhede lê roetinebesoeke af om te verseker sy is in ’n veilige omgewing en bly uit die moeilikheid,” sê Cedric. En niemand anders sal haar blyplek gee as Lehasa haar uitskop nie, want sy het die meeste van haar vriendskappe vernietig toe sy in 2015 tronk toe is omdat sy haar ekskêrel Kwaito (Clement Maosa) se roman gesteel het. “Lelo wil eenvoudig nie teruggaan tronk toe nie,” sê Cedric.
BABA AAN BOORD
Dis nie dat Lehasa nie kinders wil hê nie, hy wil hulle net nie by Lelo hê nie. “Hy wou altyd kinders hê saam met sy oorlede vrou, Zandile (Matshepho Maleme), wat verlede jaar aan kanker dood is. Hy hou haar eiers bevries by ’n kliniek en hoop hy sal eendag ’n surrogaat vind wat sy en Zandile se kinders sal dra,” verduidelik die akteur.
HOU BY HAAR STORIE
Lehasa is steeds oortuig daarvan hy is nie die pa nie. En daar is net een ander mens by wie sy kon slaap. “Lehasa konfronteer Lelo oor sy hom met Emkay (Mlungisi Mathe) verkul,” sê Cedric. “Hy is die enigste ander ou met wie Lelo tyd deurbring, al sê sy hulle is net vriende. Al is sy verpletter omdat Lehasa haar swangerskap bevraagteken, sal Lelo seker maak hy verbreek nie hul verhouding nie deur met haar storie vol te hou.”