Dèanré Reiners
Hoe werk jou gunsteling-akteur se kop?
Dèanré Reiners is nie so stout soos sy karakter Zandré in Isidingo (1998-nou, sien bl. 22) nie. In die twee jaar dat die Lategans in The Deep is, het Zandre amper matriek gedop, gelieg oor sy uitslae, ’n persoonlike afrigter geword en geslaap by sy kliënt Seline (Rosa Anthony) wat in Augustus verlede jaar deur haar jaloerse man, Clive (Stefan Ludik), vermoor is. Met soveel opwinding is dit geen wonder die 22-jarige akteur bestee soveel vrye tyd moontlik voor die TV nie . . .
Wat was die eerste TV-program wat jy saam met vriende
gespeel het? Ons het nooit enige reekse gespeel nie. Ons was laaities wat rondgehardloop het en rugby, krieket en sokker gespeel het en ons het die mooi meisies in ons klas geterg. Ek en my broers, Henco (20) en Ricardo (18) het graag ons jujitsu-klere aangetrek en gespeel ons is die Teenage Mutant Ninja Turtles (1987-1996) of Power Rangers (1993-1995).
Wie was jou eerste TV-liefling? Dit laat my bloos . . . my ma het getrou 7de Laan gekyk en daar was hierdie vrou Dezi (Elma Postma). Ek was smoorverlief op haar en nou is sy my ma in Isidingo. Watter produk wou jy hê nadat jy dit op TV gesien het? Om goed gebou te wees met abs is iets wat ek nagejaag het so lank ek kan onthou. Toe ek sien hoe ’n fiksheidsou een van daardie abs-boumasjiene gebruik, moes ek net een hê. Wie se TV-klerekas wil jy hê? Tommy Shelby (Cillian Murphy) in die periodedrama Peaky Blinders (2013-nou). Hy’s een van die besgeklede karakters op TV. In wie se TV-huis sou jy graag
wou woon? Ek het nog nooit regtig daaroor gedink nie. Dalk die Sibeko-dakwoonstel in Isidingo? Oor watter TV-reekse is jy tans
fanaties? Peaky Blinders – die toneelspel, kleredrag, stelontwerp, storielyn . . . alles is ongelooflik goed. En die psigologiese riller You (2018-nou) is supergrieselig.
Watter werk agter die skerms sou jy graag wou hê? Ek sal óf regisseer óf vervaardig. Om te sien hoe jou visie lewe kry, is waarskynlik een van die bevredigendste ervarings. Wat W is een van jou gunsteling-intriges in ’n reeks? T Totale verbystering, soos in die meeste psigologiese r rillers. Wanneer ek dink “dit moet die moordenaar wees” en dit is nie – daardie soort kinkel. Wat W is jou nagmerrie-scenario wanneer jy ’n toneel skiet? Ek het in 2017 ’n fliek, Siembamba, geskiet. Dit was die eerste Suid-Afrikaanse fliek wat sy première in Hollywood gehad het. My karakter, Adam, was vreemd. Die laaste toneel wat ek en Reine Swart (as Chloe) geskiet het, was ’n verkragtingstoneel en dit is my nagmerrie [o [onderwerp]. Gelukkig was daar nie te veel ongemaklike oomblikke daarna nie. Van V watter reeks sal jy graag ’n nuwe weergawe g wil maak? Die Mafia-drama T The Sopranos (1999-2007), een van v die beste reekse nóg! As A jy enige karakter in enige reeks kon speel wie sou dit wees w en hoekom? James Keziah Delaney (Tom Hardy) in die periodedrama Taboo (2017-nou). Hy is so ’n komplekse karakter. Ek sal daarvan hou om hom uit te pluis. Op O watter reekse binge jy j nou? Peaky Blinders op my eie, You saam met my meisie en die animasiereeks Family Guy (1999-nou) saam met my jongste broer Ricardo. Jou J TV-ikoon is . . . Cillian Murphy en Aidan Gillen as die grootste TV-boewe in Little Finger in die epiese fantasiereeks Game Of Thrones (2011-nou). En as jy iets van jou huidige karakter kon verander . . . Om meer betrokke en minder selfbehep te wees.