Lilly ontluik
Sy date ’n polisieman en sing in die koor, maar Lilly is geen engeltjie nie – sy’s eerder ’n rooiwarm duiweltjie!
Eendag lank, lank gelede, was Lilly (Noxolo Mathula) ’n vriendelike karakter. Maar sedert sy in Februarie na KwaMashu teruggekeer het, het sy ’n groot lawaai opgeskop as deel van die Xaba-familie. En ons het almal lekker gelag toe sy so windmakerig by die polisiestasie instap om vir haar kêrel, kaptein Mondli (Thembinkosi Thwala) te gaan kuier. “Mondli, arme, arme Mondli!” Noxolo giggel. “Dis ’n groot aardigheid vir my. Hy is soos ’n klein hondjie en ek speel met hom. Lilly is in beheer ongeag wie sy date. En wanneer hy by die huis kom, preek hy nie vir haar: ‘Hoekom het jy so opgetree?’ nie. Hy geniet dit!” Maar Lilly gaan dalk moet ophou speel met haar hondjie en met ander mans begin speel – want laat in Maart word die salon verdoem!
DIS ’N LEWE
“Lilly is nie opgelei om hare te doen nie. Al wat sy wou doen, is geld verdien sodat sy die gesin kan onderhou. Sy’t verander van Lilly wat net geld en pret wou hê, in ‘ek moet na my sibbe en my suster en my ma kyk’,” sê Noxolo. Die salon se komende sluiting voorspel ’n ramp vir Lilly. “Sy het gesukkel, maar sy het haarself gedwing om dit te doen en nou word dit weggeneem. Sy moet nou weer van vooraf begin. Wat gaan sy doen? Sy kan nie opgee nie. Sy moet voortgaan, seker maak haar hare en naels word gedoen, sy het geld nodig om skoene en goed te koop. Sy keer terug na haar ou weë en begin met die dokter flankeer, ’n poging om uit mans ’n lewe te maak,” onthul die aktrise.
GEKLEE OM TE VERLEI
Kykers sien dalk hoe Lilly se reeds skandalige, kort uitrustings meer verleidelik raak. “Ek moes aan my familie verduidelik dit is nie ek nie, dis my karakter,” sê Noxolo. “My ouma vra: ‘Wie is die man wat my kind soen?’ En ek moet verduidelik dit is nie ek nie. As dit van my afgehang het, sou ek nie omgegee het nie. Ek geniet haar klere en grimering, alles van haar het soveel kleur en dit maak ’n toneel. Sy’s so helder en borrelend. Sy het bande met mense wat die vreeslikste dinge in die storie ervaar en sy kom in en sê: ‘Haai, wat gaan aan?’ Ek bewonder haar stryd en hoe sy die moed het om elke liewe dag op te staan en probeer om haarself te verbeter.”
VERLEDE KEER
Nonka het haar eerste soen gehad, Njeza het ’n reinigingseremonie onderneem en Nkunzi om hulp gevra, en Sibonelo is in hegtenis geneem.
13 – 15 MAART
Nsizwa smeek Nonka om nog ’n kans nadat hy haar geïgnoreer het, en MaMlambo kry ’n blink plan om opslae in die salonwêreld te maak. Sbu en Fikile maak reg om hul nuwe jakkalsstreek uit te voer, en Nkunzi toets Njeza wat met Sbu skoor soek. Sibonelo is oorgehaal om KwaMashu te verlaat maar sy plan word gestuit wanneer hy in Nsizwa vasry. Nkunzi weier dat Sibonelo ’n ambulans bel wanneer hy die kans sien om Sibonelo onder sy duim te hou.
18 – 22 MAART
Njeza ontdek wat Nkunzi aan mense doen wat hom teëgaan, en Sibonelo gaan tot aksie oor wanneer sy gewete hom pla en Gabisile hom onwetend nog skuldiger laat voel. Mev. Madlala sit met ’n reuserekening, Fikile en Sbu probeer geld bymekaarskraap, en die salon word uit Kwanjomane geskop. Tante MaDongwe troos Nonka ná haar hospitaalbesoek, en Nonka en Njeza maak mense vies met hul vrae. Nonka wil die waarheid oor Nsizwa se ongeluk weet, en MaNgcobo het ’n nuwe taak vir haar bende verslaafdes.
25 – 26 MAART
Sibonelo vra MaMlambo om hulp ná ’n nagmerrie oor Nsizwa, en Nkunzi vernietig die salon se huurkontrak. Qhabanga pleit by Gabisile om eerder op die groter prentjie as hul geskille te fokus.