Alaskan Bush People
Seisoen 4 Discovery (*121) 20:00 Realiteit
Die Brown-familie is terug met hul oorlewingsreeks Alaskan Bush People (2014-nou) waar hulle die landelike Alaska vir die ewe koue staat Washington verruil. By realiteitsreekse is daar altyd gerugte dat hulle tekste het, maar dié een het die hoofopskrifte gehaal want “daar is te veel probleme en dinge wat na vore kom”, sê die vermaakjoernalis en realiteitsreekskenner Donn Saylor. “Dis klein goedjies soos hul geskiedenis in Alaska en selfs hul name – dit lyk of die reeks nie so eg is as wat hulle kykers wil laat glo nie.”
Hulle is nuut in Alaska Pa Billy en 1 ma Ami het maar sedert die laat 1980’s in die ysige toendra gebly, nie geslagte lank soos hulle voorgee nie. Voor dit was Bill ’n ryk kind van Texas.
Hulle het “verhoog-” name Billy, 2 Matt, Noah en Gabe is eg – hul name op hul ID-kaart is Billy, Matthew, Noah en Gabriel. Maar wanneer jy van Birdy, Bear en Bam Bam hoor, dis opgemaak. Hul regte name is Amora, Solomon en Joshua Brown. Rainy se naam is Merry Christmas Kathryn Raindrop.
3 Woon in die boendoe Al lyk dit of die Browns dagreise ver van die naaste dorp is, is hulle 20 km buite Juneau, een van Alaska se grootste stede, en hulle pos daagliks op sosiale media. Wi-Fi in die wildernis? Hmmm.
Behuising Volgens die plaaslike 4 mense is die Browns se huis vir die reeks gebou en hulle “woon in iets minder hutagtig op ’n plaas. Ná verfilming woon hulle in die deftige Icy Strait Lodge,” het ’n bron onthul.
Lippe wat lieg Fans wat in Alaska 5 bly sê die Brown-familie klink nie eens Alaskaans nie. “Hul aksent bestaan net in hul familie,” het @OliveCorkPear getwiet. “Dis nie eg nie.”