Lip Sync Battle
Seisoen 3 SABC1 (*191) 18:00 Realiteit
Die verskil tussen Lip Sync Battle (2015nou) en ander musiekrealiteitsreekse soos The Voice SA (2017-nou) is Lip Sync soek nie regte sangers nie. Eintlik is sang die laaste ding wat die span wil hê wanneer hulle hul celeb-deelnemers kies, verduidelik die aanbieder LL Cool
J, wat sedert die 1980’s ’n musiekloopbaan het, lank voor hy begin toneelspeel het. “Kan jy jou voorstel om vir sir Ben Kingsley (Mandarin in Iron Man 3, 2013) te vra om te kletsrym? Hy sou my in ’n hoflike Britse aksent aangesê het om te verkas. Ons speel toneel hier – en dans op die maat van musiek.”
Die reeks is deur die akteurs John Krasinski (Jim in die komediereeks The Office, 2005-2013) en Ste
phen Merchant (as hyself in die komediereeks An Idiot Abroad, 2011-2013) geskep ná hulle in The Tonight Show Starring Jimmy Fallon (2014-nou) verskyn het. “Ons het daai kort lipsinchronisasie-speletjie saam met Jimmy gedoen,” verduidelik John. “Die idee was pret. Die voorlegging is maklik, maar jy moet ’n netwerk oortuig jy kan Don Cheadle (Marty in die drama House Of Lies, 2012-2016) in ’n foelie-katpak kry asof hy in ’n 1990’s-kletsrym-musiekvideo is, en Channing Tatum (Jenko in die aksiefliek 21 Jump Street, 2012) wat nes Beyoncé aangetrek is vir Run The World. Dan besef jy jy ken nie eens die helfte van die mense wat jy pas genoem het nie!” Gelukkig gaan Lip Sync oor toneelspeel en kan jy sing en jou lyf laat praat.