Days Of Our Lives
Weekdae e.tv (*194) 17:15 Sepie
’n Maand gelede is Shawn Douglas Brady nog deur Jason Cook gespeel. Maar wanneer hy vandag na Salem terugkeer gaan ons die “tweede” Shawn sien, gespeel deur Brandon Beemer, wat in 2006 by Jason oorgeneem het. Shawn is terug om briek aan te draai met sy egskeiding van Belle (Martha Madison) omdat sy hom verkul het en hy haar afgeskeep het, so dis jammer van haar Vegas-fling met Philip Kiriakis (John-Paul Lavoisier)! Days se uitvoerende vervaardiger Ken Corday voeg by: “Met nog ’n karakter wat terugkom gaan dit die Shawn/Belle/Philip- dinamiek interessanter maak.”
Die 39-jarige Brandon weet alles van ongemaklike reünies. Hy sal betyds terug wees in Salem vir
Daniel (Shawn Christian) se begrafnis – bygewoon deur
Chloe (gespeel deur Brandon se eksverloofde Nadia Bjorlin). Hulle het sewe jaar uitgegaan, maar Nadia se ma, Fary, het nie daarvan gehou nie en het Brandon “dom, arrogant, laeklas en gemors” genoem in die realiteitsreeks Dirty Soap (2011).
Brandon het in 2008 van sepie verander en Owen Knight in Bold (1987nou) gespeel tot 2012 voordat hy na onafhanklike flieks oorgeskakel het. Hy het ook Evan Blackwell in die Amazon Prime-reeks The Bay (2017-nou) gespeel saam met Bold se eksRidge Ronn Moss.
Brandon doen ook modelwerk. “Ná hoërskool is ek New York toe waar ek leer toneelspeeI het. Toe is ek terug na Los Angeles, waar dit uitgewerk het,” sê die akteur. • Sien bl. 18.