Mr. Robot
Seisoen 3 M-Net City (*115) 23:25 Drama
Die kubermisdaad-aksiereeks Mr. Robot (2015-nou) is vol kinkels, draaie en die onverwagte. Teen die einde van seisoen 1 in September 2015, het fans uitgevind Mr. Robot (Christian Slater), die leier van die F.Society-kuberkrakers, was nie werklik nie – hy was ’n versinsel van die verbeelding van die rekenaarsekerheidsingenieur Elliot Alderson (Rami Malek, wat die Oscar vir Beste Akteur gewen het vir sy rol as Freddie Mercury in die biografiese fliek Bohemian Rhapsody)! En dis nie die enigste interessante ding van die reeks nie . . .
Episode-titels het twee beteke1 nisse: ’n rekenaarterm en die episode se tema. Byvoorbeeld, seisoen 1 episode 2 se titel is “ones-andzer0es” – 1’e en 0’e is die binêre taal wat in rekenaarsagteware gebruik word. Dis die een of die ander – daar’s nie ’n ander keuse nie . . . en in die episode moet Elliot tussen twee lewensopsies kies. Die titels eindig in video-formate, 2 soos mp4, avi of mkv. Mr. Robot sou ’n rolprent gewees 3 het, maar toe hy dit geskryf het, het die reeksskepper Sam Esmail besef “dit was te lank. Ek het toe die eerste 20 blaaie gevat en dit in ’n loodsepisode [TV-reeks] verander.” Soos Rami, is Sam van Egiptiese 4 afkoms en hy het die idee vir Mr. Robot gekry van tieners in die MiddeOoste wat die sosiale media, soos Twitter en Facebook, gebruik het om onderdrukkende heersers by te kom. Die sagteware wat in die reeks 5 gebruik word, is 95% werklik – dis op Linux/Unix gegrond, met “een of twee spesiaal ontwerpte programme”. Die swart hoodie wat Elliot dra 6 is een van Rami se persoonlike hoodies waarin hy gemaklik voel.