Lauren Lake’s Paternity Court

Seisoen 1 SABC3 (*193) 14:00 Realiteit

Lauren Lake’s Paternity Court (2013nou) is nie soos die meeste hofreekse op TV nie. Daar is geen kleineisesake nie. Daar is geen bakleiery oor troeteldiere nie. “En daar is geen wangedrag nie,” verduidelik Lauren. “Dis ’n suiwer gesinsreeks. Ons werk met DNS-bewyse, dikwels met kinders wat midde-in ’n stryd tussen ouers vasgevang is.” Die grootste verrassing is sy is nie ’n regter nie; sy’s ’n gesinsprokureur. Dit beteken nie haar “bevindings” hou nie krag nie – sy verskaf gratis regshulp aan mense wat dit nodig het.

“Paternity Court is ’n gemengde reeks. Dit het hofdrama. Dit het ’n gesels-element. En daar is ander aspekte wat dit gewild maak,” verduidelik David Armour, skepper van die reeks. “Enigiets wat in ’n hofsaal afspeel, waarborg goeie kyksyfers. Deur hierdie reeks gespesialiseerd te maak, fokus ons op ’n onderwerp wat wyd voorkom, maar nie altyd die aandag kry wat dit verdien nie omdat die betrokkenes nie altyd die geld vir ’n prokureur het of dae in die hof kan deurbring nie.”

Lauren spesialiseer in DNS-gegronde litigasie maar sy’s meer as net die gesig van die reeks, sy het groot inspraak in die struktuur. “Ek het ’n enkele saak per episode van 30 minute voorgestel. In ander hofreekse sien jy die regter sy uitspraak lewer en die partye in die saak sê ’n paar woorde. Omdat ons vaderskaptema ’n ernstige saak is, het ons terugvoersessies waarin ek my bevindings aan hulle verduidelik.”

Seisoen 1 is op die stel van die gekanselleerde Judge Joe Brown (19982013) en in die ateljee oorkant Judge Judy (1996-nou) in LA geskiet voordat na Atlanta vir seisoen 2 getrek is.