Station 19

Seisoen 2 M-Net (*101) 19:00 Aksie

Grey Damon is nie skaam om te erken hy is glad nie soos sy vreeslose karakter Jack Gibson in die aksiedrama Station 19 (2018-nou) nie. Hy sê: “Ek’s nie gek na spinnekoppe en slange nie, en gaan nie sommer in brandende geboue inhardloop nie. Ek’s ’n bietjie oorgevoelig en is bly ek is nie ’n paramedikus nie.” Die nagemaakte bloed en organe in die reeks keer nie die braakbewegings nie.

Station 19 is ’n splinterreeks van 1 Grey’s Anatomy (2005-nou) en hulle deel dekorstukke. “Organe word van hoenderborsies of gelatien gemaak. Dit stink ná ’n rukkie. Die bloed is die ergste – dis ’n walglik soet stroop wat jou wil laat braak,” sê die akteur. Hy skerts dat hy in 2014 tot kato2 logie bekeer is toe hy met Alice Greczyn (Emma in 2011 in die sepie The Young & The Restless, 1973-nou) begin uitgaan het. Hul kat Butters is in April 2018 dood en Grey sê hy’s nog nie reg om aan te beweeg nie. 3 Die akteur is nie ’n fan van realiteitsreekse nie en sê: “Ek sal liewer nooit weer toneelspeel nie as om aan ’n realiteitsreeks deel te neem.” Hy het “10 minute van Survivor (2000-nou) gekyk en dit was 10 te veel”. Hy wou ’n argeoloog wees ná hy 4 die Indiana Jones-flieks (1981-nou) gekyk het, maar het die droom laat vaar weens die spinnekoppe. Hy wou ook ’n spotprenttekenaar wees en skets steeds wanneer die lus hom pak. Grey het in 2013 terapie ontvang 5 ná sy rol as Chris in die fantasiefliek Percy Jackson: Sea Of Monsters, maar nie omdat hy ongelukkig was nie. “Ek moes emosioneel groei en om ’n sielkundige te spreek, het my gehelp,” sê hy.