’n Blink nuwe toekoms
DESEMBER
Wendy veroorsaak groot probleme as sy haar neus in ander mense se huishoudelike sake steek, Gertie maak Beatrice bewus van iets wat sy nooit oorweeg het nie, en Lee-Roy vertel vir Ronel hy gaan nie vir Kersfees by die huis wees nie.
Die plaaslike poniekoekant wil ’n storie doen oor Chantel en Valdonia, maar Beatrice is bang dinge kan skeef loop. Janice het genoeg gehad van Muriel en besluit om na Arendsvlei terug te trek.
Gertie word onkant betrap wanneer Hein met tasse en al by die Cupido-huis aankom vir Kersfees, Daniel en Laetitia vier Kersfees op hul eie manier, en Janice se onverwagte terugkeer na Arendsvlei veroorsaak moeilikheid tussen haar, Thys en Ronel. Valdonia kry goeie nuus, die Cupido-huis se Kersete neem ’n wending.
JANUARIE
Daar is chaos by Gertie se huis wanneer sy in ’n ander man se arms wakker word ná die vorige aand se rowwe Oujaarspartytjie, die Cupido-huis word geruk deur ’n onaangename verrassing, en Lionel probeer die vrede tussen Janice en Muriel bewaar.
Nathan kry ’n nuwe blyplek, Wesley is terug en hy en Lee-Roy besef hulle sal hard aan hul verhouding moet werk, en Valdonia raak angstig. Die skool se matriekkamp is om die draai en Daniel moet besluit of hy wil gaan of bly en na
Laetitia omsien.
Nathan se ware kleure kom na vore wanneer sy geraamtes uit die kas begin tuimel, en Gertie en Johnny daag by die matriekkamp op met groot nuus. Wesley en Lee-Roy het ’n ernstige uitval, en Beatrice en Hamilton bevind hulself in ’n baie benoude oomblik.
Janice sien rooi wanneer ’n nuwe haarsalon sy deure naby haar salon oopmaak, Nathan raak al hoe meer in Wendy se onderduimshede vasgevang, en Gertie en Johnny trou. Wesley en Lee-Roy besef hul toekomsdrome verskil, en Thys is nie ingenome met Gertie en Johnny se troue nie.
Saartjie neem ’n moeilike besluit wat Chantel en Valdonia se lewe kan verander, die nuwe skooljaar skop af, en Anton baklei met sy innerlike demone. ’n Groot inhegtenisneming stuur skokgolwe deur die gemeenskap, Hein is bekommerd oor Anton se depressie, en Lionel verras Janice met ’n plan vir die toekoms. Hamilton sit met die gebakte pere en gaan klop by ’n ou vriend aan om hulp.
VERLEDE KEER
Johnny was op die oorlogspad ná Gertie en Hazel se Projek Kobra, Kim het net oë vir Nathan gehad, en Chantel wou by Valdonia alles oor Waanie hoor.
4 DESEMBER
Kim het die perfekte aand saam met Nathan, Janice kry ’n onverwagte besoeker, en Valdonia is bekommerd oor haar dogter, Chantel.
9 – 11 DESEMBER
Daar is groot drama in Valdonia se huis wanneer Saartjie en ’n vriendin op Waanie se lyk afkom. Laetitia gee haar en Daniel se geheim amper weg by die skool se prysuitdeling, en in Clanwilliam loop Lionel lig vir sy ma, Muriel, wat ná twee jaar in die Midde-Ooste by hom en Janice ingetrek het. Hy vertel haar hy en Ronel is geskei terwyl sy weg was. Kim beplan haar troue met Nathan, Chantel en Saartjie het ’n geheim, en Muriel het nie ooghare vir Janice nie.
16 – 17 DESEMBER
Saartjie en Chantel besluit om vir almal die waarheid te vertel . Muriel het ’n pro-bleem met Lionel en Janice wat in dieselfde kamer slaap, Wendy het slegte nuus vir Valdo-nia, en Lee-Roy kry ’n uitnodiging. Hamilton is in die moeilikheid by Beatrice.