MODERNE TEGNOLOGIE

Die reeks word in twee huise in Johannesburg verfilm. Die twee bestaande huise is die eiendom van die produksiemaatskappy en dit het ses weke geduur om die aangrensende huise te meubileer en in te rig. “Daar is ’n gemeenskaplike ontspannings- en braaigebied en waar die Scheeperse en Le Rouxs kan oefen, ontspan en braai.” Die deelnemers leer hier hul teenstanders beter ken.

Weens die inperkingsregulasies moes alternatiewe verfilmingsmetodes ontgin word. Moderne kameras, wat spesiaal ingevoer is, is in elke vertrek en gebied geïnstalleer. “Daar’s sowat 24 kameras in elke huis. Die outomatiese kameras word soos robotte deur kameramanne, wat in drie skofte van agt uur elk per 24 uur roteer, vanuit ’n kontrolekamer beheer.” En die families weet natuurlik nooit wanneer die kamera op hulle gerig is nie.

DIE OPSIGTER

Die effens omstrede

wenner van Big Brother Suid-Afrika in 2001, is die opsigter – amper soos die aanbieder. Hy gee daagliks vir die families opdragte en vertel hulle watter kompetisies gehou gaan word. Ferdi, wat in die Kaap woon, kommunikeer sowat drie keer per dag vanuit ’n kontrolekamer in sy huis met die families. “Ek moet die deelnemers in toom hou en is soos ’n kwaai ma met ’n plak in die hand. As ek praat, moet hulle luister!”

Ferdi sê tydens sy Big Brother- deelname het hy besef jy moet net jouself wees in so ’n program. “En ek sal dieselfde raad aan hierdie deelnemers gee: Wees net jouself.”

Hy sê hy kan sommer reeds sien daar kom nog hope drama en trane, en kykers gaan nog verras word met die uitdagings. “Hoewel bloed dikker is as water, weet ons ook elke huis het maar sy kruis.”

Ferdinand Rabie,