KNUS, GESELLIG EN FUNKSIONEEL

Overberg Produksies, wat Getroud Met Rugby (2016-nou) vervaardig, het omtrent berge versit toe die span ’n splinternuwe stel binne twee weke by hul ateljees in Braamfonteinwerf, Johannesburg, vir Liam en Candice se moderne dakwoonstel gebou het. Soné Combrinck, uitvoerende vervaardiger van Getroud Met Rugby, sê die interieur weerspieël Candice en Liam se persoonlikhede. “Ons wou met hierdie leefarea ’n ambiance skep wat van die ander karakters se woonplekke verskil en die dekor moes in ooreenstemming wees met die hedendaagse neigings van moderne in die Goudstad.”