Verlore tyd om in te haal
Steve en Wendy knoop ’n geheime verhouding aan.
Dit was ’n groot skok vir die voormalige tronkvoël en bendebaas Steve (Elton Landrew) toe hy in Julie uitvind hy is Debra (Kay Smith) se biologiese pa. Die nuus het hom onkant gevang, want Debra het op hom verlief geraak, en dit was moeilik om vir haar te vertel daar is wel ’n band tussen hulle, maar dit kan nooit romanties wees nie. Tans sukkel Debra nog om die nuus te verwerk, maar Steve is meer vasberade as ooit om ’n ware vaderfiguur vir haar te wees. En hy wil ook verlore tyd met Debra se ma, die slinkse sakevrou, Wendy (Rehane Abrahams), inhaal. Dis ook nie lank nie, of ou gevoelens tussen Wendy en Steve vlam weer witwarm op.
HOU DIT STIL
“Wendy skop aanvanklik vas teen haar gevoelens vir Steve,” sê Rehane. “Maar dit hou nie lank nie. Sy is beslis dolverlief op hom, maar sy wil nie hê die hele Arendsvlei moet dit weet nie, daarom hou hulle hul verhouding vir eers stil.” En dis wys, want as Steve se suster,
Janice (Crystal-Donna Roberts), daarvan moet uitvind, sal die hel los wees! “Janice het nog nooit ’n geheim daarvan gemaak dat sy nie van Wendy hou nie,” meen Elton. “Steve steek die verhouding vir Janice weg, want hy weet dit sal haar ontstel, maar dit gaan nie lank wees voor sy snuf in die neus kry nie.”
Debra, wat geen idee het van haar ouers se romanse nie, reik uit na hulle en probeer vrede maak deur hulle vir ete te nooi. “Debra is verheug om haar pa in haar lewe te hê en wil graag ’n geleentheid skep waar hul ’n happy
family kan wees,” sê Rehane. “Maar dit gaan nog ’n rukkie duur voor sy haar ma weer ten volle gaan vertrou (omdat sy die waarheid oor wie haar pa is van haar weerhou het).”
VERSKERP JOU MAG
Intussen besef Steve hy moet ondanks sy nuwe kitsgesin weer woeker om sy mag en invloed in die gemeenskap te versterk. “Daar is groot drama met dwelms in die omgewing en by die skool, en as daar een ding is waarteen Steve ernstig gekant is, is dit dwelms,” sê Elton. Dus gaan ruk hy die plaaslike dwelmsverskaffers Woelag
(Ceagan Arendse) en sy trawante ’n bietjie rond, min wetende hulle werk onder Wendy se gesag . . . Wat sal gebeur wanneer Steve uitvind Wendy sit agter die dwelms?
“Ek kan nie te veel hieroor sê nie,” sê Elton. “Maar wie weet, dalk word Wendy en Steve nog die nuwe Bonnie en Clyde. Anders gaan Steve Wendy dalk lelik laat les opsê.”
VERLEDE KEER
Fred het Elsa met ’n romantiese gebaar bederf, Zane was in ’n hoek gedryf, en speurder Karelse het nóg ’n klopjag by die Hoërskool Arendsvlei uitgevoer. Beatrice het Daniel gevat om vir Laetitia te gaan kuier, en Saartjie het op Daniel verlief geraak.
12 AUGUSTUS
Ronel bespreek haar toekomsplanne met ’n ongelukkige Thys, en Steve besef hy gaan homself moet hervestig as iemand met wie niemand kan mors nie.
17 – 19 AUGUSTUS
Valdonia en Chantel groet hul geliefdes voor hul opwindende nuwe hoofstuk begin, Zane besef sy moeilikheid is nog lank nie verby nie, en Debra verras haar ouers terwyl hul verhouding al hoe gevaarliker raak. Thys is gereed vir nog kinders en besluit om dit met Ronel te bespreek, Petra vra vir Janice om met Zane te praat, en Laetitia vertel uiteindelik die storie van haar kinders. Fred en Elsa nooi Janice en Lionel vir ’n vasvra-aand, en Steve maak seker Woelag, Stretch en Rekkie neem hom ernstig op.
24 – 25 AUGUSTUS
Woelag maak seker Wendy betaal vir haar geheime, die spanning loop hoog terwyl almal gereedmaak vir die Hoërskool Arendsvlei se
7de verjaardag, en Daniel ontvang ontstellende nuus. Wendy vind uit van Woelag se nuwe plan en wurm haarself daarin.
VERLEDE KEER
Miguel is van mensehandel beskuldig en deur die polisie ondervra, Graciela het aan Juan gesê sy wil Los Olivos hê, of anders . . . Fernanda het gesukkel om haar pa se nuwe meisie te aanvaar.
12 – 14 AUGUSTUS
David verduidelik aan Luciana hoekom hy nog sy trouring dra, en Juan neem ’n eed hy sal David op sy knieë bring. Gutiérrez is desperaat om Marta se hart terug te wen, maar sy stel nie in die minste belang nie. Graciela is verras wanneer David aankondig hy gaan hul vennootskap beëindig, en David is gereed om sy kinders te vertel Luciana is die vrou wat hy liefhet.
17 – 21 AUGUSTUS
Graciela waarsku Luciana sy sal enigiets doen om Luciana en David se verhouding te vernietig, Bobby sê vir Marta hy ondersteun haar dogter se verhouding met sy pa, en David is op die oorlogspad wanneer hy Graciela en Lilian daarvan beskuldig dat hulle sy kinders teen hom opmaak. Fernanda betrap haar pa en Luciana wat mekaar soen en Fernanda klap haar, Luciana sê sy wil nie tussen David en sy kinders kom nie en sal terugstaan sodat hy sy familiebande kan herstel, en Fernanda probeer later selfdood pleeg. Mark vind uit iemand het die onwettige werkers help ontvlug.
24 – 25 AUGUSTUS
Graciela probeer die sielkundige, wat Fernanda behandel, omkoop, en David soek antwoorde by Tano ten opsigte van ’n brief wat Fernanda ontvang het. Mark en Juan span saam om Miguel uit die pad te kry en huur twee mans om hom op te dons, en Adolfo se dogter, Erika, vind uiteindelik uit haar pa gaan met Lilian uit.
• Lees meer op bl. 11.
VERLEDE KEER
Claire was woedend oor Jade se verraad, Tripp was op die oorlogspad, en Sonny het onthou wie Deimos vermoor het.
12 – 14 AUGUSTUS
’n Vreemdeling bevestig Sonny se bekentenis, Hope en Rafe het iets om te vier, en Hope waarsku Abby oor Dario. Paul ondersteun Sonny, en Lucas sien hoe Justin Adrienne vertroos. Victor besoek Sonny, Chad het ’n nuwe aanbod vir Theo, en Rafe, Hope en Lani se ondersoek lewer ’n nuwe verdagte op.
17 – 21 AUGUSTUS
Abby plant ’n meeluistertoestel in Dario se kantoor, Steve vertel Kayla van sy kommer, en Brady vind Eric en Nicole saam. Marlena doen drastiese stappe sodat Sonny kan onthou wat gebeur het, Eli het ’n aanbod vir Lani, en die DNS-uitslag is bekend. Jennifer en Adrienne probeer die besigheid red, Steve dink iemand wil ’n strik stel vir Kayla, en Abby ontdek Dario se geheim.
24 – 25 AUGUSTUS
Kate en Andre baklei, Lani dink sy en Eli gaan Dario ontmasker, en JJ het ’n ernstige waarskuwing vir Chad. John en Paul maak ’n skokkende ontdekking, Hope is eerlik met Rafe oor Dario, en Kate het ’n nare verrassing vir Abby.
VERLEDE KEER
Ipek en Sahap het seker gemaak Kiymet ken haar plek nadat sy haar grense oorskry het, Süreyya het ’n nare verrassing vir Dilara gehad, en Esma was nie gelukkig met die nuus van Süreyya se swangerskap nie. Fikret het sy skadukant gewys, Faruk het Adem en Dilara se afspraak bederf, en Senem het nuwe insig gekry.
12 – 14 AUGUSTUS
Ipek probeer Esma oortuig Süreyya spel teëspoed, die Boran-huishouding is gespanne ná ’n brand, en Faruk kry skokkende nuus van Akif. Begüm moet ’n moeilike besluit neem oor haar gesondheid en die voortsetting van chemoterapie. Süreyya is opgewonde oor die nuus dat die skool mag heropen, Begüm wil Faruk onder oë kry, en Ipek voer ’n nare plan in die mou. Senem maak ’n ooreenkoms met die duiwel, en Bade se gedrag maak baie mense bekommerd.
17 – 21 AUGUSTUS
Süreyya het genoeg gehad van Esma se inmengery by haar werk, Bade probeer selfdood pleeg, en Fikret ontstel sy familie. Murat se optrede skok sy gesin, Süreyya reik uit na Bade en bied aan om haar te onderrig, en Emir se aankoms by ’n gesinsete laat almal kopkrap. Faruk is op soek na die waarheid, Esma en die broers probeer uitpluis of Emir Faruk se seun is, en later vra Faruk Pelin moet Begüm aansê om hom en Süreyya uit te los. Ipek is jaloers en haar gevaarlike plan kan Süreyya en haar kind verpletter.
24 – 25 AUGUSTUS
Akif sluit ’n groot saketransaksie, Esma is geskok wanneer sy ’n ontstellende ontdekking maak, en Begüm kry goeie nuus oor haar behandeling. Faruk konfronteer Esma oor die DNS-toets wat agter sy rug gedoen is.
• Die kanaal het seisoen 3 sonder vooraf kennis begin uitsaai.
TOE ONS LAAS GEKYK HET:
Dilara se suster, Asuman, het mense omgekrap, en Deniz het nader aan sy pa, Burhan, gekom. Asuman en Dilara het baklei, Cansu was moeg vir al die mediese behandelings, en Hazal het verdwyn.
12 – 14 AUGUSTUS
Asuman maak ’n groot fout wat sy later gaan berou, Burhan wil Ozkan bangmaak, en Cansu onthul per ongeluk haar donker geheim. Deniz is in ’n lelike situasie vasgevang, Cihan probeer ’n vriend help, en Mithat verklaar sy liefde aan ’n verbaasde Hazal. Asuman se vreemde gedrag kwel almal, Hazal maak haar hart teenoor ’n familielid oop, en Deniz vat sy beste vriend vas.
17 – 21 AUGUSTUS
Dilara kry die oorhand in ’n geveg, Mahide se toestand versleg, en Cansu het ’n senu-ineenstorting. Ozan hou Asuman dop, Mahide verskaf bewyse in die Ozgur-moordondersoek, en Keriman maak ’n ontstellende ontdekking by sy huis. Ozgur se ma daag op, Harun is verplig om ’n moord te pleeg, en Cansu se familiereünie onthul probleme. Rahmi praat met Keriman oor sy emosionele laste, Mahide se gesondheid versleg, en Asuman en Candan vlug. Burhan veroorsaak ’n rampspoedige ongeluk. Hatice gee ’n brief van Mahide aan die verkeerde persoon, en Asuman hoor iets wat nie vir haar ore bedoel was nie.
24 – 25 AUGUSTUS
Deniz is bekommerd oor iemand se gesondheid, Mithat maak sy verskuilde agenda bekend, en Harun se seun ontstel hom. Cansu se gesin bid dat sy uit die koma sal ontwaak.
VERLEDE KEER
Mrekza moes nóg ’n verwerping verwerk, Mazwi was op die oorlogspad, en Lucy het ’n moeilike tiener by die huis gehad.
12 – 14 AUGUSTUS
Jerah snou Mpho ’n paar kwetsende woorde toe, die stryd om die troon by #Ezweni raak vurig, en Zitha sukkel om Jack se optrede ná ’n raadsvergadering te verstaan. Lucy maak ’n belofte aan Mbali, Fikile behandel haar minnaar stief, en Tau vind interessante dinge oor familielede uit. Mbali se goeie nuus word met afgryse begroet, en iemand vra Tshidi om ’n guns.
17 – 21 AUGUSTUS
Zitha het genoeg gehad van Jack se gedrag en sit haar voet dwars, en Mpho se verbreekte verhouding het verrassende gevolge. ’n Vriendelike ontmoeting laat Gadaffi se bloed kook, en Lesedi word gemanipuleer om iemand anders se vuilwerk te doen. Tshidi vind uit haar man is nie so sagsinning soos sy gedink het nie, Jack wys Zitha waar sy lojaliteit lê, en Mbali kry ’n nare verrassing in KZN. Lucy raak ál meer bekommerd oor Mbali, daar’s ’n nuwe baas by Flying News, en Gadaffi se teenwoordigheid slaan Mpho stom.
24 – 25 AUGUSTUS
Tshidi voer dinge ’n bietjie te ver met oom Kabisi, Lesedi is platgeslaan wanneer sy hoor haar eks het haar idees gesteel, en Jerah se manipulasietaktiek boemerang. Zitha word in ’n geheime vergadering betrap, en sommige mense is tevrede om geld te maak uit ander se ongeluk.
VERLEDE KEER
Buhle het iets wilds aangevang om Ntokozo se aandag te kry, Thathi het deur Mohato se toedoen ’n onaangename verrassing gekry, en Teddy se planne vir sy liefdeslewe loop skeef.
12 – 14 AUGUSTUS
Mam’Sonto is beangs wanneer sy uitvind Thathi steek ’n potensieel gevaarlike geheim vir haar weg, Melusi en Gladys stem nie saam oor huishoudelike kwessies nie en hul meningsverskille dreig om die skool se debatskompetisie te kelder. Die kompetisie het ’n verrassende uitslag, en Thathi se plan om Mohato uit die maatskappy te skop, verloop vlot.
17 – 21 AUGUSTUS
Buhle vra Ntokozo moet haar eerlik sê of hy haar liefhet of nie, Mohato sukkel met al die versmorende reëls van die Dlamini’s, en Teddy se plan om Langa en Ntokozo te versoen, boemerang lelik. Langa en Buhle deel ’n intieme oomblik, terwyl Mohato en Gladys ’n hewige geveg het. Teddy is sprakeloos wanneer hy uitvind wat Buhle se plan met Ntokozo is, Langa is salig onbewus van hoe gevaarlik sy nuwe vriend is, en Mazet is op ’n wraaktog. Mohato is verras wanneer Thathi vir aandete opdaag. Dinge tussen Buhle en Ntokozo lyk belowend, maar Gladys onderbreek hul planne, en Teddy gaan uit sy pad uit om Buhle en Ntokozo van hul ouers se voortdurende inmengery te red.
24 – 25 AUGUSTUS
Pretty konfronteer Mam’Sonto oor ’n groot verandering aan haar testament. Buhle en Ntokozo neem ’n ernstige besluit oor hul verhouding. ’n Onthulling deur Mam’Sonto bring Pretty by breekpunt. Ntokozo se verhouding met Buhle veroorsaak meer probleme as wat hy verwag het.
VERLEDE KEER
Buhle het amper ’n skandalige familiegeheim uitgelap, Nolo het Pabi probeer help om Senzo te los, en Lentswe het ’n winsgewende aanbod gekry, maar teen ’n prys.
12 AUGUSTUS
Pabi sê Nolo moet geduldiger wees oor die verbreking van die verhouding, Patricia raak ál meer besorg oor Mfazwe se paranoia, en Thandeka belowe om dinge met Kgotso uit te stryk.
17 – 19 AUGUSTUS
Nolo begin Pabi se ware bedoelings bevraagteken wanneer Pabi die verbreking van die verhouding bly uitstel, en Thandeka neem die voortou om haar en Kgotso se probleme in die slaapkamer op te los. Mfazwe het sy oog op Kitty, Nolo begin Senzo verwyt, en Pabi druip ’n belangrike eksamen. Kgotso daag nie op vir die betoging nie, en dinge raak warm tussen Kitty en Mfazwe. Senzo gee die grondeise-projek aan Nolo oor, en Nkosana is woedend. Zano is ontsteld omdat Kabe sy testament opstel, Cebile moet iemand help om ’n dwelmtoets te fnuik, en Nolo por Kabe aan om saam met hom na QwaQwa te gaan.
24 – 25 AUGUSTUS
Zano vind uit wat regtig tussen Kgotso en Thandeka aangaan, Nolo hoor die waarheid oor Professor se verlede, en Senzo verklap sy verbintenis met Nolo. Thapelo kan nie van Moipone wegbly nie, Cebile is gespanne oor die dwelmtoets, en Lentswe moet Patricia se huis verlaat. Zano kom op die gemeenskapsentrum se gesteelde goed af, Louw wil Nkosana afdank, en Thandeka wil van Nolo ontslae raak.
VERLEDE KEER
Gugu het KK gekonfronteer, Kgosi het met ’n gevaarlike plan voortgegaan, en Sechaba het Imani op ’n afspraak uitgevra.
12 – 14 AUGUSTUS
Tenda en die koningshuis stamp kop oor Mulalo se grond, en Mbali smeek Kgosi om vergifnis. Teboho is terug met ’n klomp nuwe planne, en Hangwani se lewe word omgekrap wanneer ’n ou gesig weer opduik. Gugu en Imani stem nie saam oor Sechaba nie, Hangwani vind uit Khensani het ’n moeilike tyd beleef, en KK en Teboho se ooreenkoms is op die punt om vernietig te word.
17 – 21 AUGUSTUS
Rendani is geskok wanneer sy ’n dwelmtransaksie sien, Teboho mislei Mulalo, en Sechaba hoor die waarheid oor Imani se verlede. Teboho se huwelik is in die moeilikheid, Rendani se duur horlosie verdwyn, en Imani en Sechaba het ’n groot geveg. Rendani vra Khensani om verskoning, Sechaba vertel Imani hy het haar lief, en Mulalo is onseker of sy huwelik met Teboho die jongste probleem sal oorleef. Sechaba kry slegte nuus, Mulalo is gereed om KK se kontrak te onderteken, en Teboho se ergste nagmerrie is op die punt om waar te word.
24 – 25 AUGUSTUS
Shaz is in die moeilikheid nadat geld verdwyn, Sechaba is eerlik met Imani, en Mulalo en die aandeelhouers kom ooreen. Azwindini word gedreig, Khensani se lewe neem ’n wending, en Sechaba word na die hospitaal gehaas.
VERLEDE KEER
Khulekani het sy mededinger, Suffo, se prysuitdeling gesaboteer, Dikeledi het haar vriend Mzi agter haar nare kêrel se rug om geld gevra, en Cuba het daggakoekies by die kerk verkoop.
12 – 14 AUGUSTUS
Mzi dring by Dikeledi aan om Hammer te verlaat voor hy haar weer seermaak, Puleng se geheime bewonderaar vra haar uit op ’n afspraak, en speurder Madikgetla kry bewyse wat daarop dui haar kêrel, Suffo, het ’n affair met die getroude Nandi, maar hy ontken dit wanneer sy hom daaroor vra. Dikeledi bly van die werk weg nadat Hammer haar geld steel, Puleng is teleurgesteld wanneer die ou nie vir die afspraak opdaag nie, en Suffo erken hy het ’n affair met Nandi.
17 – 21 AUGUSTUS
Khulekani is woedend wanneer sy vrou, Nandi, erken sy het ’n affair met Suffo, en Hammer storm by die Khuses in om Dikeledi te oorreed om hom terug te neem, maar Blossom skop hom uit. Sindiswa stel haar loopbaan voor haar verhouding met Sabelo, Khulekani wil vir sy huwelik veg, maar Nandi se hart is by Suffo, en Dikeledi pak haar tasse in die geheim en gaan terug na Hammer sonder om die Khuses te sê.
24 – 25 AUGUSTUS
Khulekani het ’n bitter smaak in sy mond wanneer Nandi hom vertel sy trek uit hul huis, Mzi is onseker wanneer Hammer sy hulp vra oor sy woedebuie, en Puleng word deur nóg ’n man afgesê.
VERLEDE KEER
Fernanda se geliefde viool het verdwyn, sy het uitgevind sy is swanger, en Pedro het ’n slinkse plan beraam om don Fernando uit die aftree-oord te kry.
12 – 14 AUGUSTUS
Fernanda skenk geboorte aan ’n seuntjie in die tronk, maar Pedro neem die pasgebore baba van haar weg omdat sy hom nie in die tronk kan hou nie. Mariana vertel die polisie Amelia het don Fernando ontvoer, Amelia word in hegtenis geneem, en Fernanda word uit die tronk vrygelaat en met haar seun herenig. Pedro is oortuig Amelia het ten goede verander.
17 – 21 AUGUSTUS
Fernanda vertel Pedro sy sal net uit liefde trou en sy kan nie wag om Carlos in te lig hulle gaan ’n seun hê nie. Maribel word vrygelaat, Fernanda twyfel of sy Carlos van sy seun moet vertel nadat sy van sy ontrouheid hoor, en Marissa is oortuig Carlos is die baba se pa. Carlos word intussen in hegtenis geneem nadat Solórzano hom daarvan beskuldig dat hy Luis aangeval het, Camila is sonder heenkome nadat Mariana haar uit die huis geskop het en daarna ook Pedro, en Javier is oortuig Maribel sal gesond word.
24 – 25 AUGUSTUS
Fernanda waarsku Clarita om vir niemand te sê Carlos is haar baba se pa nie, Marissa word deur Solórzano verraai, en Carlos word op borgtog vrygelaat. Alicia probeer later sensitiewe dokumente by die bank in die hande kry, maar Ignacio Ordoñez voorkom dit, en Carlos en Fernanda praat openhartig met mekaar oor hul jaloesie.
Lees meer op bl. 11.
VERLEDE KEER
Chumani wou ’n goeie mens wees, maar het later ’n hinderlaag saam met Yanga beplan, Phindile was oortuig iemand wil haar planne verongeluk, en nie almal was beïndruk met Romeo se vriend nie.
12 – 14 AUGUSTUS
Chumani kry toestemming om op sekere voorwaardes na te jaag wat hy wil hê, en die inhoud van ’n testament verras Phindile. Die Ngemas kry ’n afgryslike aflewering, en Chumani word uiteindelik vir sy goeie dade beloon. Tebello droom oor ’n beter lewe, en Phindile moet vinnig dink wanneer ’n probleem oor haar pad kom.
17 – 21 AUGUSTUS
’n Wanhopige versoek verwar Xolile, Grace is in die versoeking, en Lerumo kry ’n vreemde foonoproep. Tebello is oortuig hy het iemand uit sy verlede gesien, en Lerumo vind ’n vreemdeling se identiteit uit. Phindile staan op haar regte, Grace besef nie sy word vir die gek gehou nie, en Neo laat duidelik blyk hy is nie ’n ou wat sonder ’n geveg opgee nie. Phindile het ’n moeilike besluit: tradisie, of haar eie behoeftes. Grace bevind haarself in ’n hoek, en Phindile maak die beste van ’n slegte saak.
24 – 25 AUGUSTUS
Gevoelens bemoeilik dinge vir Grace, Lerumo moet verduidelik, en Phindele kry ’n onverwagte aanbod. Neo raak agterdogtig oor ’n potensiële nuwe vyand, en die Ngemas is paniekerig.
VERLEDE KEER
Emanuel en Lola het uiteindelik erken hulle het mekaar lief, en Simoneta het na die dorp teruggekeer en almal geskok toe sy aankondig sy is swanger – net om daarna te sterf.
12 – 14 AUGUSTUS
Severiano vind uit Aldonza het Cristóbal in die hospitaal besoek en waarsku Humberto om Aldonza van hom af weg te hou. Severiano steek Simoneta se lyk in ’n trommel weg, Lola is sprakeloos wanneer Mari haar vertel sy het by Emanuel geslaap, en vader Jerónimo beland in ’n vuisgeveg.
17 – 21 AUGUSTUS
Lola wil weet wat van haar ma geword het en konfronteer Severiano daaroor, en Severiano herinner Aldonza daaraan dat hy in beheer is en sy beter in haar pasoppens wees. Candela kry Cristóbal skelm uit die hospitaal, Adelina keer dat Aldonza haar pa se graf laat oopmaak, en Severiano is woedend wanneer hy hoor Cristóbal is nie meer in die hospitaal nie. Prudencia is uit die veld geslaan wanneer sy ’n baie naakte Tomás in haar bed aantref, Cristóbal ontvang ’n ontstellende DNS-uitslag, en Valeria betrap Tomás en haar ma saam in die bed en eis dat hy haar ma uitlos.
24 – 25 AUGUSTUS
Vader Jerónimo bewys aan almal Aldonza en Cristóbal is nie broer en suster nie en Valeria word flou, Severiano is vasberade om vader Jerónimo agter tralies te sit en daar te hou, en Aldonza en Cristóbal gesels openhartig oor die jongste DNS-uitslag. • Lees meer op bl. 11.
VERLEDE KEER
Die polisie het by die Maputlas se huis opgedaag en iemand in hegtenis geneem, Leshole se lewe is op sy kop gekeer deur die aankoms van ’n geheimsinnige vrou, en Charity het met haar seun gesukkel.
12 – 14 AUGUSTUS
’n Nuwe verdagte in die brand by die fabriek kom na vore in die polisie se ondersoek, en Charity se verlede kom spook by haar. Alfred is verward oor ’n oproep van die polisie, en Mokgadi sal enigiets doen om Noah te beskerm wanneer die net stywer om hom span.
17 – 21 AUGUSTUS
Vermiste sokkies laat Noah in die moeilikheid beland, Charity se ete-afspraak met mnr. Manaka misluk, en die Maputlas kry ’n onverwagte besoeker. Kat dring by sy ma aan om ’n lastige ekskêrel aan te kla, en kapteins Malebana en Babeile verloor die saak van hul lewe. Leshole het ’n onwelkome besoeker wat sy stresvlak verhoog, mnr. Manaka twyfel oor Charity, en ’n aankondiging kwets Leeto.
24 – 25 AUGUSTUS
Noah maak ’n verstommende bekentenis, en skoolhoof Thobakgale is verplig om met Leshole saam te werk. Mnr. Manaka kan nie langer sy gevoelens vir Charity wegsteek nie, Koloi soek die sangoma, en Leshole hoop om die studente te inspireer.
WAAROOR GAAN DIT?
Regina is meer as net die vrou van ’n hoë staatsamptenaar, Alonso, en die ma van sy kinders – sy is self ’n gerespekteerde politikus wat hoop om verandering te bring. Maar wanneer haar ekskêrel, Gerardo, opdaag om met Alonso om mag mee te ding, raak dinge lelik, en soms dodelik.
12 – 14 AUGUSTUS
Regina sê aan Alonso sy het genoeg gehad van sy beledigings en mishandeling, en Mario vertel Cecilia hy het geen ander keuse gehad as om Florencia te dreig nie sodat hy Cecilia veilig kan hou. Teresa besluit om na ’n rehabilitasiesentrum te gaan, en Regina is uit die veld geslaan wanneer sy sien haar pa omhels Cecilia. Gerardo is verstom wanneer hy hoor sy eie partylede wil hê hy moet bedank, en Omar vertel sy trawante om Mario te ontvoer.
17 – 21 AUGUSTUS
Regina vind uit haar pa is ontvoer, Gerardo kom sy partylede se ware bedoelings agter, en Natalia vertel Alonso sy pa is lid van die mafia. Almirón waarsku Regina om vinnig op te tree as sy haar pa wil red, en Omar vertel Natalia hy het drooggemaak. Regina betrap Cecilia wat in Regina se pa se kantoor rondkrap, Alonso hoor gerugte oor Regina se voornemens om ’n kandidaat vir die presidentskap te wees, en Gerardo vertel Regina hy is nog lief vir haar.
24 – 25 AUGUSTUS
Teresa beskuldig Regina daarvan dat sy haar man gesteel het, Alonso en Cecilia word in ’n verdagte posisie betrap, en Hugo probeer selfdood pleeg, maar word gered en hospitaal toe geneem.
VERLEDE KEER
Die Khozas het oor die dood van ’n geliefde getreur, Vuyiswa is verkeerdelik van moord beskuldig, en Harriet het in verdriet versink ná Kea se dood.
12 – 14 AUGUSTUS
Georgina help Vuyiswa om haar naam in ere te herstel, Kagiso en sy ma, Harriet, het ’n uitval ná Kea se begrafnis, en Jaros is vol vertroue hy sal die Khozas se dwelmryk onder hul neus wegsteel. Georgina en Vuyiswa is onbewus van Jaros se bangmaaktaktiek, Harriet onttrek haar emosioneel aan haar gesin, en Hector laat die Khozas en Maakes teen mekaar draai.
17 – 21 AUGUSTUS
Harriet se familie oorreed haar om nie met hul mededinger af te reken nie, Vuyiswa stel haar geliefdes in gevaar wanneer sy die meedoënlose bendelid Jaros aanval, en Schumacher en Mjekejeke kry skokkende nuus. Brutus en Kagiso blameer hulleself nadat hulle hoor Harriet is weg, en Vuyiswa oorweeg dit om die ondersoek te laat vaar wanneer sy met die dood gedreig word. Hector beskerm sy misdaadvennoot
Jaros, en die Khozas se drastiese besluit kan die einde van hul dwelmbesigheid beteken. Harriet is hewig ontsteld, en Vuyiswa is warm op die spoor van die een wat haar aan moord skuldig wil laat lyk.
24 – 25 AUGUSTUS
Harriet sukkel om Kea se dood te aanvaar en verwerk, Hector verwoes Vuyiswa se ondersoek, en die Khozas kan hul dwelmryk verloor nadat hulle die verkeerde mense omgekrap het.
VERLEDE KEER
Andile en Njabulo se romanse is deur ’n dodelike geheim bedreig, Kedibone was in ’n wedloop teen tyd gewikkel om haar sterwende kêrel, Nsizwa se lewe te probeer red, en Cobra ontdek vertroulike inligting oor ’n geliefde.
12 – 14 AUGUSTUS
Lindiwe se moederinstink vat vlam en sy probeer Andile en Njabulo se verhouding red, maar dit lyk asof ’n nuwe vyand haar planne in die wiele gaan ry, en Kedibone is bemoeisiek en snuffel in haar neef Cobra se persoonlike lewe rond. Andile is op ’n afdraande pad, ’n leuen haal iemand in die Dikana-huis in, en Cobra besef hy het meer hooi op sy vurk as wat hy kan hanteer. Lindiwe gooi ’n reddingsboei na Andile uit.
17 – 21 AUGUSTUS
Lindiwe voel hulpeloos wanneer sy sien hoe Andile sy lewe weggooi nadat sy verlowing aan Njabulo verbreek is, en Cobra gaan uit sy pad om sy neef Fose by familiesake in te sluit.
Die Dikanas is verdeeld oor Andile se onlangse vreemde gedrag, Lindiwe se laaste poging om Andile se lewe te verbeter boemerang, en Cobra aanvaar Kedibone se raad en maak dinge reg met Fose. Krake begin wys in Tumi en Lindani se huwelik wanneer hulle oor hul toekoms vassit, en Lindiwe verwoes lewens om Andile te red.
24 – 25 AUGUSTUS
Lindiwe is nie gereed om moed op te gee om Andile uit die donker gat van depressie waarin hy hom bevind, te kry nie, Tumi en Lindani verskil van mening en Lindani los ’n groot bom op haar, en Khabzela se geluk verbeter en sy sukses inspireer sy vriende.
VERLEDE KEER
Hernán Dario het seker gemaak Mariana drink die pil die volgende oggend, Anibal het ongenooid by Diabla se ontmoeting met Daniela opgedaag, en Martín het sy gevoelens vir Catalina S erken.
12 – 16 AUGUSTUS
Catalina M. is uiteindelik vry wanneer die polisie by Martín se huis opdaag en hom hospitaal toe neem. Diabla woon Anibal se begrafnis in vermomming by, en Esteban vertel Hilda hy het haar lief en vra haar om saam met hom te ontsnap. Catalina M. kry ’n afskeidsbrief van Santiago, en Martina ontmoet El Titi.
17 – 23 AUGUSTUS
Martina rig ’n vuurwapen op El Titi, Esteban vertel Hilda hy wil ’n musikant wees, en Hernán Dario en Albeiro vermoor die wagte op die plaas. Albeiro kry Daniela in die hande en neem haar na Marcial se ou huis, Sebastián gaan na Hernán Dario se huis, en Hilda vra Diabla om vir haar op Esteban te spioeneer. Diabla besoek die kliniek met die hoop om Esteban te vind, en Catalina M. kry die kans om met haar kinders te praat. Mariana en La Demonia stook kwaad, en Catalina M. en die owerheid wil Hilda red.
24 – 25 AUGUSTUS
La Demonia bedwelm Mariana sodat El Titi haar seksueel kan aanrand, Albeiro kry ’n ontstellende oproep, en Diabla martel Jota en Albeiro.
• Lees meer op bl. 10.
• Die sepie maak klaar op Donderdag 27 Augustus. Dit is ná twee seisoene gekanselleer. Dit word vervang deur die leefstylprogram O Mang: Who Are You? op Vrydag 28 Augustus en Maandag 31 Augustus, en van Dinsdag 2 September af deur Family Feud SA seisoen 1.
VERLEDE KEER
Modise het gedink hy sien ’n spook by die lodge, Zintle se swangerskap het sy tol op haar geëis, en Itumeleng is as hoofman gekroon.
12 – 14 AUGUSTUS
Zintle is teleurgesteld in Blessing, Karel is bekommerd oor Sarah se skielike vertrek, en Ashwin hou aan soek na die vermiste Amita. Karel vra ’n vriend om Amber op te pas, en Angie stel haar loopbaan in gevaar wanneer sy haar baas daarvan beskuldig dat hy ’n swak bestuurder is.
17 – 21 AUGUSTUS
Modise gee Blessing raad, Mama Rose het ’n ernstige waarskuwing vir Marang, en die Van Reenen-familie is geskok wanneer Sarah skielik terugkeer. Amber vertel Jack sy is besorg oor ’n nuwe gas, die raad weier om ’n huwelik te seën, en Marang waarsku Itumeleng. Karel maak ’n skokkende ontdekking, en die hele lodge word geruk wanneer ’n lyk in die rivier gevind word.
24 – 25 AUGUSTUS
Almal is besorg oor Karel, Itumeleng bevind hom in ’n gevaarlike situasie, en daar is spanning in die lug wanneer Kate terugkeer en sy en Angie nie oor die weg kom nie. Ashwin is in ’n wedloop om sy eie lewe te red.
VERLEDE KEER
Fikile het amper haar vals swangerskap bekendgemaak, Gabisile en haar seun, Sibonelo, het Nomcebo vermoor om hul aandeel in Khehla se dood weg te steek, en Mazaza het uit die dorp gevlug.
12 – 14 AUGUSTUS
Fikile en Sbu se romanse is op die rotse nadat hy haar geheim ontdek het, en Mondli is bekommerd wanneer hy hoor Nomcebo het halfpad deur Khehla se moordondersoek verdwyn. Gabisile wil Qhabanga se hart wen noudat Nomcebo uit haar pad is, en Zekhethelo oorweeg dit om vrede te maak met haar pa, Nkunzi. Sbu probeer Fikile met haar eie wapens verslaan, en MaNgcobo sukkel weens haar finansiële probleme.
17 – 21 AUGUSTUS
Zekhethelo en MaMlambo span saam om van ’n gemeenskaplike vyand ontslae te raak, Fikile is in ’n doodloopstraat met haar vals swangerskap, en Qhabanga sukkel om die kerk te bestuur met sy persoonlike lewe wat verkrummel. ’n Verlore seun skok sy gesin wanneer hy terugkeer, Qhabanga haal sy frustrasies op Gabisile uit, en Fikile erken haar swangerskap is vals. Die vonke spat tussen mnr. Mbatha en MaDongwe, Nkunzi wil nie net sy rykdom terugkry nie, maar ook sy mag en eksvroue, en Sbu wil Fikile afsê.
24 – 25 AUGUSTUS
Zekhethelo en MaMlambo ontkom ter nouernood aan die dood, daar is geen omdraaikans meer vir Fikile en Sbu in hul verhouding nie, en Nkunzi gooi sy gewig rond nadat nóg ’n teëstander vermoor is.
VERLEDE KEER
Leyla moes ’n moeilike besluit neem oor haar bondgenootskap met Sarp, ’n polisieman onder die dekmantel. Die rampokker Celal was in die moeilikheid toe al die mafia-base hul verbintenis teen hom bevestig, en Sarp se lewe was in die weegskaal.
12 – 14 AUGUSTUS
Yusuf verkeer in ’n kritieke toestand en die dokters sê hy gaan dalk nie oorleef nie, Celal kry geslotekringtelevisie-beeldmateriaal in die hande wat Leyla en Sarp saam wys, en die polisie is op Celal se spoor. Mert verkeer onder druk om die verdoemende beeldmateriaal te vernietig, en Melek se besoek aan Fusun ontstel Celal. Die kwessie van die beeldmateriaal raak ingewikkelder wanneer Mert aangepor word om die waarheid te praat of dalk sy gesin te verloor, Sarp en Davut het ’n ernstige onderonsie, en Yusuf kan nie langer sy verlede ontduik nie.
17 – 21 AUGUSTUS
Mert sien uiteindelik die beeldmateriaal van Leyla en Sarp, Melek skarrel om te keer dat Celal van haar verhouding met Sarp uitvind, en Mert voer ’n paar planne in die mou noudat Sarp die waarheid weet. Coskun span saam met ’n onverwagte mafia-baas en hierdie nuwe bondgenootskap kan Celal se ondergang beteken. ’n Geskokte Celal konfronteer Sarp, en Melek word ontvoer.
24 – 25 AUGUSTUS
Mert moet sy storie agtermekaar kry wanneer Yusuf en Coskun begin rondsnuffel op soek na die waarheid, Sarp kry uiteindelik waardevolle inligting oor Umut (alias Mert) in die hande, en nog ’n aanslag op Coskun loop skeef wat dit aan Celal oorlaat om die gemors op te ruim.