Touched By An Angel
Seisoen 2 Weekdae SABC2 (*192) 14:00 Drama
’n Eteriese aura omring die aktrise wyle Della Reese in Touched By An Angel (1994-2003). In die reeks speel sy Tess, ’n toesighouer oor engele wat na die aarde gestuur word om mense te help wat die godsdienspad byster geraak het. Della, wat op 86 jaar op 19 November 2017 oorlede is, was ’n toegewyde Christen. Maar sy was reeds voor die reeks al dekades lank ’n superster.
Della het as 6-jarige in ’n kerkkoor 1 begin sing en op gospelmusiek verlief geraak. Sy is as 13-jarige genooi om saam met die gewilde gospelsangeres Mahalia Jackson en haar groep (bekend vir die 1947-gospellied Move On Up A Little Higher) te toer. Della het later haar eie gospelgroep, die Meditation Singers (1958-lied Amen!) gestig.
2 Sy het nie met gospelmusiek genoeg geld vir kollege verdien nie, dus het sy ekstra werk gedoen, soos vragmotorbestuurder, hyseroperateur en tandheelkunde-ontvangsdame om vir haar klasse te betaal.
Haar eerste TV-ervaring was haar 3 eie kletsreeks, Della (1969-1970). Sy het gasrolle in verskeie TV-reekse gehad, soos die regsdrama Petrocelli (1974-1976) as Angela Damon (1975), en The A-Team (19831987) as BA Baracus (Mr T) se ma, Mrs Baracus, in 1985. Della het die temalied, Walk With 4 You, vir Touched By An Angel geskryf en gesing. Sy het altesaam 18 ateljee-albums uitgereik.
Della was ’n geordende predikant 5 en het haar medester Roma Downey (die engel Monica) se huwelik met Mark Burnett in 2007 bevestig.