Supertoneelspel IDRIS ELBA
Een akteur, twee verskillende rolle. Kyk hulle op Showmax.
Elke akteur wat sy sout werd is, sal sê hy hou daarvan om sy gemaksone te verlaat. Soos dié sterre, wat van superhelde tot super- ernstige karakters gespeel het wat jou jou oë sal laat knip en vra: “Het hy nie supermagte in daai ander fliek gehad nie?
Dis supertoneelspel!” En dit kan op Showmax gestroom word.
MARK RUFFALO
Die akteur van 40-plus is bekend as dr. Bruce Banner alias The Incredible Hulk in die Avengers-flieks (2012-2019), maar hy speel ook ’n dubbelrol in die 2020-dramareeks I Know This Much Is True. Mark speel die tweelingbroers Dominick en Thomas, wat soos dag en nag verskil – die beskermende “ouer” broer Dominick onthou die tragedie van sy broer se geestesversteuring waartydens Thomas sy eie hand afsny.
JAMES FRANCO
Wanneer dit by sleg wees kom, is James
Franco briljant in dramas soos The Deuce (2017-2019) op Showmax en superheldflieks soos Spider-Man 2 (2014). Hy speel in Deuce die tweeling Vincent en Frankie wat in die 1980’s in New York vir die mafia werk en by die opbloeiende bedryf van volwasse vermaak betrokke raak. In Spider-Man 2 is hy die wraaksugtige Harry Osborn alias Green Goblin II. Uiteenlopende karakters wat James ewe haatlik maak.
MICHAEL B. JORDAN
Michael B. Jordan lewer ’n kragtoer met sy toneelspel. In die 2013- biografiese fliek Fruitvale Station op Showmax, is hy Oscar, ’n man wat op die verkeerde dag op die verkeerde tyd op die verkeerde plek is. Hy weet nie dit is weens diskriminasie die laaste dag van sy lewe nie. In Black Panther, die aangepaste strokiesboekfliek van 2018, blink hy uit as die magshonger supersoldaat Killmonger wat met niks minder as die troon van Wakanda tevrede is nie. Michael se toneelspel word briljant in dié teenstellende rolle uitgebeeld.
Die Britse akteur Idris Elba is indrukwekkend in sy twee verskillende rolle. As die hoofspeurinspekteur John Luther in die reeks Luther (2010-2019) op Showmax (lees meer op bl. 12), deursoek hy Londen se strate vir moordenaars en ander misdadigers, en gebruik sy vermoë om afleidings te maak en in die oortreder se gedagtes te klim om die een wat hy wil vastrek, beter te verstaan. En in Marvel se Thor-flieks (2011-nou), speel hy die onverstoorbare Heimdall, bewaarder van die Bifrost en bewaker van Asgard, die tuiste van Thor, Odin, Loki en die ander Noorse gode. Albei is taai en beskermend, hoewel Heimdall ernstiger is as Idris se polisiemankarakter.
MALIN AKERMAN
Voor die wêreld van finansiële misdaad saam met haar karakter Lara in Billions (2016-nou, lees meer op bl. 12) op Showmax opgedaag het, het Malin Akerman in 2009 die heldin Silk Spectre II in die strokiesprent en nou superheldfliek Watchmen gespeel. Al verskil die karakters, het hulle ooreenkomste – nie een duld drama van die mans in hul lewe nie en hulle is onverbiddelik. Die enigste verskil is die een beveg misdaad (as Silk Spectre), en die ander een, Lara, ontduik die gereg.