Perry Mason
Seisoen 1 M-Net (*101) 22:00 Drama
Die Kanadese aktrise Tatiana Maslany (Sarah Manning en verskeie ander klone in die sci-fi-reeks Orphan Black, 2013-2017) geniet dit gate uit as die flambojante evangelis suster Alice McKeegan in die dramareeks Perry Mason (2020), ’n nuwe weergawe van die gelyknamige reeks van 1957-1966. “Ek het dit geniet om suster Alice te speel, wat byna soos ’n rockster is, want mense volg haar en sy het hierdie groot optredes,” sê Tatiana.
1 Die 34-jarige aktrise het daarvan gedroom om te dans. “Ek het gedans vandat ek 4 jaar oud was en wou altyd die middelpunt van die aandag wees, maar die toneelgogga het my op 9 jaar gebyt toe ek in ’n skoolopvoering gespeel het.”
2 As kind het sy en haar twee jonger broers, Daniel en Michael, speelspeel hul eie flieks in hul agtertuin gemaak.
3 Hoewel sy in 2008 ’n klein rol as Zeppelin Dyer in die musiekdramareeks Instant Star (2004-2008) gehad het, en ook as Kit Bailey van 2008-2010 in die gesinsdrama Heartland (2007nou), was Orphan Black haar kans om haar naam in the TV-bedryf te vestig.
4 Sy is ’n groot sci-fi-aanhanger en het selfs oudisies gedoen vir verskeie rolle in die Star Wars-flieks Rogue One: A Star Wars Story (2016) en Star Wars: Episode VIII – The Last Jedi (2017).
5 Wanneer sy nie werk nie hou Tatiana daarvan om die heuwels rondom Los Angeles op haar bergfiets te verken, of jy sal haar raakloop wanneer sy op haar rollemskaatse gaan inkopies doen.