Dinner Date SA
Seisoen 2 SABC3 (*193) 19:30 Realiteit
Die toe- oë-afsprake in die afspraakreeks Dinner Date SA (2017-nou) het ten doel om die persoon aan die ander kant van die tafel te beïndruk sodat ’n tweede afspraak volg. ’n Enkellopende deelnemer kry vyf spyskaarte waaruit hy of sy drie mense vir afsprake kies, wat elk ’n driegangmaaltyd in hul huis kook vir die afspraak. Nadat die deelnemer ’n aand saam met die kokke deurgebring het, kies die deelnemer ’n wenner en hulle gaan na ’n spoggerige restaurant vir ete terwyl die twee verloorders mikrogolfetes alleen tuis moet eet. “Daar’s ’n onvoorspelbare deurmekaarspul van gekskeerdery en ’n wenresep van groot persoonlikhede in hierdie seisoen,” sê die uitvoerende vervaardiger Harriet Gavshon.
Die kokke ervaar groot druk ten opsigte van die beplanning van die spyskaart omdat dit vir hulle ’n ontmoeting met die deelnemer kan beteken. Die keuse van geregte verskaf aan die deelnemer ’n wenk oor wie sy of haar tafelmaat gaan wees omdat ’n mens se koskeuses jou karakter weerspieël:
Warm met baie kruie: ’n Skerp en branderige maaltyd, soos kerrie of gekruide vlerkies, kan beteken die kok is avontuurlustig en die siel van die partytjie. Omdat die kok van opwinding hou, is hy of sy nie bang vir risiko’s nie, net soos die skerp geure in die bord.
’n Soettand: As die spyskaart vol soet geregte is, soos fudge en sjokolademousse, verklap dit die kok is fyngevoelig en bedagsaam. Hy sal die deur oophou of die laaste sny pizza aanbied.
’n Bitter smaak: As die kok eerder swart koffie of groentee pleks van nagereg aanbied, is hy dalk asosiaal en ongevoelig. Eisj!