O, die drama!
Wanneer dit kom by drama en opwinding sal Showmax jou heel jaar lank voor jou TV vasgenael hou.
Het jy reeds ál 86 episodes van The Sopranos (1999-2007) op Showmax gestroomkyk en is op soek na nóg spannende drama? Met dié moetkyk-dramas hoef jy nie verder te soek nie.
BILLIONS (2016-nou, seisoen 1-5) Geld is die spil waarom die wêreld draai vir dié wat dit het, soos vir die beleggingsghoeroe Bobby Axelrod (Damian Lewis, Brody in Homeland, 2011-2020). Maar hulle moet gedurig oor hul skouer kyk, want die wet – die staatsprokureur vir die suidelike distrik van New York, Chuck Rhoades (Paul Giamatti, Rhino in 2014 in die strokieboekfliek The Amazing Spider-Man 2) – wil hulle op hul knieë dwing vir elke sent wat onwettig bekom is. En Bobby sal dit nie duld nie.
LUTHER (2010-2019, seisoen 1-5)
Idris Elba (Heimdall in die sci-fi-strokiesboekfliek Thor, 2011) se karakter speurder John Luther is donker, peinsend, intens en betowerend terwyl hy op soek is na alle misdadigers in Londen. Hy moet twee probleme oorkom in sy soektog na geregtigheid: Die feit dat elke saak hom fisiek en emosioneel meer dreineer, en die verleidelike reeksmoordenaar Alice (Ruth Wilson,
Allison in The Affair, 2014
2019) wat met hom speel.
TRUE DETECTIVE (2014-nou, sei
soen 1-3) Elke misdaad in dié antologiereeks is kompleks, ingewikkeld, gefragmenteer en wreed. Van ’n reeksmoordenaar met ’n gesplete persoonlikheid in seisoen 1, die georganiseerde misdaad in seisoen 2 tot die veelvuldige kindermoorde in seisoen 3, sal jou laat naels kou. Met bekende akteurs soos
Mahershala Ali (Blade in die komende nuwe weergawe van die vampieraksiefliek),
Woody Harrelson ( Tallahassee in 2009 in die grukomediefliek Zombieland) en Colin Farrell (Holt in 2019 in die gesinsfliek Dumbo) maak dié reeks briljant. VIKINGS (2013-nou, seisoen 6) Wees gegroet, boer- en-nou-Viking-stroper Ragnar! Travis Fimmel (Anduin in die 2016-sci-fi-fliek WarCraft) is besmeer, bebloed en getatoeëer as die legendariese Viking, wat nie net die wêreld buite Skandinawië wil verken nie, maar oor alles wil regeer. Hy wil egter benewens roof en plunder ook ander kulture leer ken en ervaar en ’n god word.
THE HANDMAID’S TALE (2017-nou,
seisoen 1-3) Kyk weg indien jy sensuur vrees – dié program is so wreed as kan kom vir mense soos Offred (Elisabeth Moss, Peggy in Mad Men, 2007-2015). Daar is ’n nuwe wêreldorde in dié distopiese drama waar die meeste vroue onvrugbaar geword het. Die oplossing? Skep ’n wrede hiërargie van base en dienspersoneel – maar dienaresse soos Offfred skrop nie net vloere en stryk nie . . . hulle is vrugbaar en word elke maand deur hul eienaars verkrag (in die teenwoordigheid van hul eienaresse, sodat hulle “die skep van lewe kan ervaar”) as ’n manier om die bevolkingsgroei voort te sit.
THE GOOD WIFE (2009-2016, sei
soen 1-7) Politiek en die wet gaan hand aan hand – en dis ’n probleem vir die slim advokaat Alicia Florrick (Julianna Margulies, dr. Nancy Jaax in die 2019dramareeks The Hot Zone, ook op Showmax), wie se man, Peter (Chris Noth, die FBI-agent Frank Novak in die drama Gone, 20172018) ’n politikus is wie se seksskandaal dreig om voorbladnuus te wees. Alicia en haar span werk hard om reg en geregtigheid te laat seëvier. Wees op die uitkyk vir die interpersoonlike verhoudings by Alicia se regsfirma: Die grense word perfek vervaag.
Indien jy van The Good Wife hou, kyk ook sy splinterreeks The Good Fight (2017-nou), ook op Showmax (tans seisoen 1-3) te sien. Dit sit die tema van die gekwelde prokureur voort wanneer Alicia se eksbaas Diane Lockhart (Christine Baranski, dr. Beverly Hofstadter in The Big Bang Theory, 2009-2019) gedwing word om haar regsloopbaan oor te begin nadat sy alles in ’n bedrogskema verloor het.