So ’n bietjie hoop
Ivor Price laat die kalklig val op organisasies en individue wat werklik ’n verskil in hul gemeenskappe maak.
Die radio- en-TV-persoonlikheid Ivor Price (40) is keelvol vir al die negatiwiteit rondom die politiek, die ekonomie en die pandemie. Hy soek ’n rede om weer te glimlag en te hoop – en hy glo hy het dit gevind in die nuwe reeks, Ivor En
Die Verskilmakers.
“Daar is soveel ‘brugbouers’ in gemeenskappe regoor ons reënboognasie en ek en (die kanaal) VIA het gevoel dis ons plig om die kalklig daarop te laat val en weer hoop by die kykers te skep,” sê Ivor.
In elk van die 13 episodes van dié goedvoelreeks besoek Ivor twee organisasies wat ’n daadwerklike verskil in hul gemeenskappe maak en hy leer meer oor die visie, ambisie en dryfkrag wat dit verg.
ONVOORWAARDELIKE LIEFDE
Van die Goudstad in Gauteng tot Blikkiesdorp in die Wes-Kaap is daar engel-organisasies, soos Door Of Hope, ’n veilige hawe vir weggooibabas (episode 1, kyk dit op Catch Up op
DStv) en die Blikkiesdorp Community Outreach Project (episode 2), wat lewens verander, en dis dié organisasies wat Ivor in die reeks bekendstel. “Die harde werk en onvoorwaardelike liefde wat die organisasies se werkers uitstraal, is besonders en persoonlik.
Dit is dit ongelooflik om te sien hoe hulle ten spyte van uitdagings, soos finansiële tekortkominge, nie hoop opgee nie,” sê Ivor.
AFRIKAANS, JOU LEKKER DING
In Augustus maak Ivor ’n draai op Stellenbosch (episode 6, 16 Augustus), en vind meer uit oor die Universiteit Stellenbosch (US) Woordfees se bemagtigingsprojek WOW (Woorde Open Wêrelde). WOW verbreed leerders en opvoeders van voorheen benadeelde gemeenskappe se horisonne deur hul taalvaardighede op te knap en studiebeurse aan leerders te bied. “Van al die gemeenskapsprojekte wat ek al in my lewe teëgekom het, is die Woordfees se WOW-projek loshande die grootste,” sê Ivor. “Wat Fiona van Kerwel (die organiseerder van WOW) en haar span regkry, is werklik wow.
Daar is omtrent nie ’n kind in hierdie land wat nog nie op die een of ander manier deur hul hande is nie.”
WEGGEBLAAS
Later in Augustus kuier Ivor in Port Elizabeth in die Oos-Kaap (episode 7, 23 Augustus) en hoor meer van die Artombo-kunsprojek en die Tanks
App –’ n toepassing met’ n weermagtenk speletjie wat kinders rekenaarkodering leer .“Sjoe, die Ta n k s-enA r tombo-episode het my in soveel opsigte oorweldig,” sê Ivor. “Ek het nooit besef daar kan so ’n noue verband tussen die wêreld van kuns en rekenaarwetenskap wees nie. In dié episode kuier ek by prof. Jean Greyling en sy vrou, Louise, wat eintlik op soveel maniere van mekaar verskil. Wat hulle wel gemeen het, is ’n liefde vir mense. Jean is die bekende koderingsproffie aan die Nelson Mandela-universiteit (NMU) en Lou i se’ n laerskool onderwysers wa tin 2013 besluit het om kunsklasse te begin vir kinders wat dit nie kon bekostig nie.
“Eintlik is kuns sowel as kodering in baie opsigte nog in mense se oë ’n ryk mens aktiwiteit. Maar Jean en Louise doen ablei daagliks moeite om dié wêrelde vir arm kinders oop te maak.”
MAAR WAG, DAAR’S MEER
Benewens dié TV-reeks het Ivor ook opwindende nuus en sê daar word reeds nóg ’n reeks wat hy gaan aanbied, beplan. “As alles mooi uitwerk, word dit later vanjaar op VIA uitgesaai en dit sal fokus op die landbousektor, wat ook een van my groot passies is.” En hopelik sal die nuwe reeks ook hoop vir die kykers bring, want van geloof, hoop en liefde, kan niemand ooit genoeg kry nie.