Tanto Amor
Seisoen 1 e.tv (*194) 08:30 Telenovelle
Latyns-Amerikaanse sepies het die VSA se dagsepies, soos Bold & Beautiful (1987-nou, lees meer op bl. 32) en Days Of Our Lives (1965-nou, lees meer op bl. 32), onttroon. Soos Tanto Amor (20152016), waarin die misterieuse Altagracia Roldán van die een romanse na die volgende fladder. Die 53-jarige aktrise Aura Cristina Geithner is ’n bietjie versigtiger in haar liefdeslewe, en sê: “Nie nou nie, maar ek is ontvanklik vir romanse, die avontuur en liefde. Ek het wonderlike mense geken. Dis belangrik wanneer die hart weer begin klop, maak nie saak hoe oud jy is nie.”
Voor sy begin toneelspeel het 1 (haar eerste rol was María Conchita in die 1989-sepie The Wind Rose), was sy ’n supermodel by die huis in Colombia en het grade in die skilderkuns en internasionale skakelwerk verwerf. Haar tweelingbroer, 2
Harry, is ook ’n akteur. Sy mees onlangse rol was Jorge Garcia in die Mexikaanse 2018-telenovelle For Loving Without Law. Hulle het nog nooit saam aan ’n reeks gewerk nie. Aura dans al van voor skool af en 3 is uiteraard dol oor Latyns-Amerikaanse dansstyle. “Daar’s ’n vonk in die musiek en in die passies. Jy staan nie stil nie,” sê die aktrise.
Sy’s ook ’n sangeres en het in 1994 4 die album Calor uitgereik. Aura het liedjies gesing vir die amptelike klankbaan van die meeste telenovelles waarin sy gespeel het.
Die aktrise was van 1998 tot 2000 5 getroud met die Colombiaanse sakeman Marcelo Dos Santos en het ’n seun, Demian.