Verdien belonings met die MyDStv-app – doodmaklik
DStv maak van jou ’n TV-ster – en sê dankie omdat jy deel is van die DStv-familie.
DStv bied intekenare danksy ’n magdom belonings die geleentheid om selfs nader aan die aksie te kom. Met DStv-belonings kry intekenare die kans om meer te kry van die inhoud waarvan hulle hou, met spesiale aanbiedinge, opgraderings, kliëntekortings, asook voordele van BoxOffice, Showmax en ander DStvverwante produkte en dienste.
DStv wil voortgaan om sy kliënte te vermaak, op en van die rusbank, met toegang tot regstreekse programme en soveel meer om die DStv- ervaring selfs beter te maak. Die beste van alles is dis gratis en maklik om deur middel van die MyDStv-app aan te sluit.
JOU GELUK LÊ IN DIE STERRE
Aan lede van DStv se beloningsprogram sal sterre toegeken word op grond van dinge wat intekenare in elk geval doen, insluitende:
• Op watter pakket is jy ingeteken? Jy kan tot 15 sterre verdien na gelang van die pakket waarop jy ingeteken is.
• Hoe lank is jy ’n DStv-kliënt? Jy kan tot 20 sterre verdien na gelang van die aantal jare wat jy ingeteken is.
• Die dienste wat jy gebruik, kan nóg sterre byvoeg. Soos indien jy Showmax by jou DStv-rekening voeg, jy BoxOfficeflieks huur en DStv met behulp van die app stroom.
• Jy kan 10 sterre verdien deur eenvoudig vir 3 maande gekoppel te bly.
• Die aantal sterre wat jy verdien, sal slegs gebruik word om jou beloningsvlak te bepaal.
VYFSTER-BEHANDELING
Daar is vier beloningsvlakke: beginner (0-30 sterre), opkomende ster (31-60 sterre), superster (61-90 sterre) en legende (91+ sterre). Hoe meer sterre jy versamel, hoe hoër is jou beloningsvlak, en hoe meer aanbiedinge raak vir jou beskikbaar.
Jou sterre laat jou elke maand in aanmerking kom vir gratis DStv- en -verwante belonings wat jou TV-tyd selfs aangenamer sal maak. Dit sluit in: “huur een, kry een gratis”-fliekkrediete op DStv BoxOffice, onbeperkte gratis aflewerings deur Uber Eats, Uber Eatskos bewyse, en installering s bewyse wat die koste van tegnici kan help dek. Daar gaan ook spesiale verjaardag belonings wees, aanbiedinge op Showmax (lees meer op ble. 12-13), die gratis opgradering van pakkette, en vele meer.
EIS NOU JOU BELONING
Kontroleer jou stervlak en belonings deur op die MyDStv-app in te teken en kies die “Rewards”-ikoon (heeltemal gratis). Daarna word jy gelei na die beloningsblad wat jou aantal sterre sal onthul, op watter vlak jy is, en watter spesiale aanbiedinge jy reeds kan eis. Sommige belonings is voortgesette kortings en aanbiedinge maandeliks solank jy ’n aktiewe DStv-intekenaar op daardie stervlak bly.
SPESIALE AANBIEDINGE
Benewens die sterre wat jy kan verdien, kan beloningslede uitsien na uitdagings en kompetisies om selfs meer belonings te ontvang. Sodra jy aangesluit het, sal DStv jou ook per e-pos, SMS of kennisgewings deur middel van die MyDStv-app op die hoogte hou van nuwe aanbiedinge, uitdagings, kompetisies en belonings.
VINNIGE VRAGIES
• Wat as ek DStv vir ’n maand onder
breek? Sodra jy terug is, kan jy nuwe belonings begin verdien. Jou beloningsvlak en sterre kan geraak word indien jy jou DStv-rekening onderbreek. •Is daar enige belasting implikasies?
Nee. • Wie kom in aanmerking vir die beloningsprogram? Aktiewe Suid-Afrikaanse huisintekenare ouer as 18 jaar. • Kan ek my belonings aan iemand anders gee? Dit behoort net aan jou.
• Ek stel nie belang hierin nie! Dit is ’n slegs-inteken-program, en indien jy nie langer wil deelneem nie, kan jy deur middel van die MyDStv-app deregistreer. Maar ons sal sleg voel as jy ons verlaat. • Vir wie moet ek kontak oor die belonings
program? Stuur e-pos na help@dstv.com, of kontak die sosiale media-span op Twitter en Facebook. Besoek die webwerf, dstv.co.za, vir meer besonderhede.