Alles oor ’n baba
Sy het dalk ’n twyfelagtige roete gevolg, maar Lesedi is vasberade om ’n goeie ma vir Fikani se baba te wees.
Ons was al almal dolverlief, maar waar sommige vroue hul liefie se kappietop of t-hemp dra, het Lesedi Moloi (Keabetswe Motsilanyane) verder gegaan en spermselle gesteel van ’n man met wie sy nie eers in ’n verhouding was nie – Fikani (Nicholas Nkuna) – in November 2021 voor sy Hillside verlaat het om haar siek pa, Jacob Moloi (wyle
Patrick Shai), te versorg. Lesedi is al geruime tyd behep met dr. Alexa (Carina Nel) se man, Fikani, en het selfs hul troue in Julie 2021 probeer keer. Maar hoewel Fikani en Alexa ’n sug van verligtig geslaak het toe Lesedi swanger teruggekeer het, het die drama begin. “Lesedi het gesondheidsprobleme tydens haar swangerskap gehad. Sy het ook op haar ooievaarspartytjie flou geword en Alexa, wat ’n gas was, het instinktief gereageer en besef Lesedi ervaar diabetiese skok en het haar insulien toegedien. Lesedi is toe met swangerskap-diabetes gediagnoseer,” vertel Keabetswe.
’N GOEIE MA
Die manier waarop Lesedi se baba bevrug is, is onortodoks om die minste te sê, nadat die hospitaal se administrateur, Khethiwe (Sesethu
Ntombela), haar vertel het
Fikani se spermmonster is
“onbewaak”. Maar eintlik wil Lesedi net ’n ma wees . “Sy is desperaat om ’n goeie ma vir haar kind te wees. Hierdie proses was hoegenaamd nie normaal nie, maar dit het haar nie gekeer nie,” voeg die aktrise by, en verklap nóg drama is op pad.
VERLEDE KEER
DeWet en Werner het ondersoek ingestel nadat die alarm by Bruynwaves afgegaan het, Uys het sy pa voor stok gekry oor sy ontrouheid, en Aggie het by Bruynwaves bedank.
IN DIÉ UITGAWE
Ivy is bly sy is op ’n goeie voet met die res van die skool-ma’s, Fikani simpatiseer met Tumi oor haar familiedrama, en Amorey, Tjattas en Khethiwe betrap Uys wat by Shady se slaapkamer uitsluip. Die getroude paartjies dink aan hul onderskeie troudae, Chris vra dringend hulp, en Bonita kry troos by Vanessa. DeWet stel ’n hartseer Erica gerus, die jongklomp praat hoe alles wat in Hillside gebeur altyd vol drama is, en Tjattas vra dringend hulp by Hettie.
Alexa en Fikani is meer verlief as ooit,
Ivy en Marvin moet na ’n voorval met Eddie omsien en is verras deur wat hulle ontdek, en Tanya probeer ’n verontruste Alexa ondersteun. Aggie maak dit duidelik wie Zee se hoogste prioriteit moet wees, en die Hillsiders wag angstig vir nuus van die Hillside-kliniek oor hul vriend.
Denzil het medelye met Vanessa, wat uitvaar oor die wrede wêreld waarin hulle lewe, en die jonges steier van skok oor wat die afgelope 24 uur in hul gelukkige gemeenskap gebeur het. DeWet besoek ’n pasiënt in die hospitaal, en Tanya meen dit is bedagsaam dat almal met baba Nelo help.