Moenie mis nie
Woensdag
THE GOOD DOCTOR NUWE SEISOEN
Seisoen 4 Me (*115)
20:30 Episode 1 (drama) 18 Mei
Nuwe uitdagings wag op die outistiese savant-chirurg dr. Murphy wanneer hy ’n pasiënt behandel wat ’n onvoorspelbare siekte het, en ook iets sien wat die span by die San Jose St Bonaventure-hospitaal nog nooit tevore gesien het nie.
THE BLOCK AUSTRALIA
Seisoen 15 M-Net (*101)
18:00 Episode 20 (realiteit) 25 Mei
Die druk raak witwarm onder die spanne in die opknappingskompetisie. Alliansies en vriendskappe word gevorm, wanneer ’n nuwe groep deelnemers van vorige seisoene van The Block Australia by die seisoen aansluit en hul teenwoordigheid laat geld. En Keith is keelvol vir Jesse se manewales.
Donderdag
CORONER SEISOEN EINDIG
Seisoen 4 Universal TV (*117) 20:00 Episode 12
(aksie) 19 Mei
Daar is in die seisoen se slotepisode in twee dele baie op die spel vir Jenny en Peggy wanneer hulle van aangesig tot aangesig kom en die lewe van onskuldige mense moet red. En Donovan moet sy loopbaan heroorweeg wanneer hy teen ’n berugte en gevaarlike plaaslike bendelid te staan kom.
90 DAY FIANCÉ NUWE SEISOEN
Seisoen 9 TLC (*135)
21:00 Episode 1 (realiteit) 26 Mei
Maak gereed vir ’n vars dosis verhoudingsdrama en realiteit wanneer oorsese verloofdes in die nuwe seisoen na Amerika reis om vir die eerste keer saam met hul maats te woon. Elke paartjie het net 90 dae om te besluit of hulle wil trou, of die internasionale maat huis toe wil stuur.
Vrydag
KIM’S CONVENIENCE
Seisoen 4 SABC3 (*193)
18:30 Episode 2 (komedie) 20 Mei
’n Gebarste waterpyp laat die huismaats Jung en Kimchee die wye bose stad in vlug op soek na ’n vriendelike bank om op te slaap – en ’n klein misverstand laat die bestie-sibbe Jung en Janet mekaar tot breekpunt irriteer met kinderagtige gedrag. • Lees meer op bl. 59.
KIDS BAKING CHAMPIONSHIP NUWE SEISOEN
Seisoen 10 The Food Network (*175) 19:55 Episode 1 (realiteit) 27 Mei
Die aanbieders en beoordelaars Valerie Bertinelli en Duff Goldman verwelkom 12 van die jongste kinderbakkers wanneer die deelnemers hul bakvernuf op die proef stel. Hul beloning vir 10 weke se werk? Kontant van $25 000 en ’n artikel in Food Network Magazine.
Saterdag BEYONCÉ & JAY-Z: POWER LOVE SPESIALE PROGRAM
Me (*115) 22:00 (dokkie) 21 Mei
Die wêreld-ikone, megamusieksterre, kunstenaars en getroude magspaartjie Beyoncé Knowles en Jay-Z vertel die verhaal van hul suksesvolle loopbane as kunstenaars, modemagnate, hip-hop-miljardêrs en ouers in hierdie spesiale dokumentêre rolprent.
THE DEADLIEST CATCH NUWE SEISOEN
Seisoen 18 Discovery (*121) 20:00 Episode 1
(dokkie) 28 Mei
Kraphengel aan Alaska se kus, die tuiste van die wildste oseane wat jy kan bevaar, is een van die dodelikste take op die planeet. Die hele seisoen duur net vyf dae, maar hierdie avonturiers waag hul lewe – vir die 18de keer op TV – vir daardie groot betaaldag!
Sondag
TROUKOORS
Seisoen 1 kykNET (*144)
20:00 Episode 4 (komedie) 22 Mei
Luca kry ’n onaangename verrassing wat dinge vir haar nóg moeiliker maak, maar gelukkig kom Stefan tot haar redding en help haar. Abi raak mededingend met haar kolwyntjies, Jessica sukkel om aan haar span leiding te gee, en die troue van die jaar hang aan ’n draadjie. • Lees meer op bl. 22.
MODERN FAMILY
Seisoen 11 e.tv (*194)
19:30 Episode 17 (komedie) 29 Mei
Dis die tyd wanneer die meeste ouers nie seker is of hulle opgewonde of verpletterd is nie: Wanneer die Dunphy-kinders gereed maak om die nes te verlaat. En hoewel Claire en Phil sê hulle is bly om hul huis weer vir hulleself te hê, is die trane op die punt om te rol. Gelukkig is Cam en Mitch byderhand om hulle te troos.
Maandag
SURVIVOR’S REMORSE
Seisoen 3 SABC3 (*193)
19:30 Episode 5 (drama) 23 Mei
Missy kry erkenning as ’n mediakonsultant en moet die gevolge hanteer van ’n omstrede besluit by ’n fotosessie vir Cam wat ’n aaklige nasleep het, en Chen en Cassie probeer die kloof in hul langafstand-verhouding met die hulp van moderne tegnologie verminder, maar dis moeilik!
VOETSPORE ZAMBEZI
Seisoen 11 SABC2 (*192)
19:30 Episode 9 (leefstyl) 30 Mei
Johan en sy span reis na die Mana Pools Nasionale Park in Zimbabwe en verlustig hulle in die oorvloed wild: Leeus, wildehonde, luiperds, hiënas, elande, kameelperde, rooibokke, koedoes – om nie eers te praat van die olifante en oorvloedige voëllewe nie.
Dinsdag THE ENGINEERING THAT BUILT THE WORLD NUWE REEKS
Seisoen 1 History (*186)
20:15 Episode 1 (dokkie) 24 May
Ons het hulle gesien en ken hulle as ikoniese mega-strukture want hulle het die wêreld verander. Vind nou uit hoe hulle gebou is, hoe die ingenieurs die nywerheid moes herskep en hoekom hulle so belangrik is.
LANDBOUWEEKLIKS
Seisoen 17 VIA (*147) 17:30 Episode 8 (leefstyl) 31 Mei
In hierdie spesiale episode reis Pietman Geldenhuys, mede-aanbieder van Landbouweekliks, na Standerton in Mpumalanga waar hy by boer Edzard Bierman kuier, wat hom meer van sy gemengde boerdery van sojabone, mielies en beeste vertel. • Lees meer op bl. 15.