Murder In The Heartland

Seisoen 4 ID (*171) 21:00 Ware misdaad

Die bose is daarbuite en baie mense kan nie uit sy kloue ontsnap nie. Moordsake neem toe in Midde-Amerikaanse dorpe, en die reeks oor ware misdaad Murder In The Heartland ondersoek hierdie misdade en hoe die grusame sterftes die gemeenskappe raak. Deskundige getuies en die polisie se ondersoekers gee ook insig in die sake, hoe hulle dit ondersoek en die moordenaars opgespoor het. Wees gewaarsku: Daar’s foto’s van die misdaadtonele en gewelddadige dramatiserings, indien jy ’n bietjie sensitief is. Hier’s ’n voorsmakie . . .

1 The death of a cowboy (8 Junie). Die cowboy-dorp Emmett, Idaho, is die terrein van ’n gruwelike moord op ’n saalmaker wat doodgeslaan is. Die gemeenskap staan saam om die moordenaar op te spoor, waartydens verraad, bedrog en misleiding bloogelê is wat die slagoffer se familie stomgeslaan het.

2 A tangled love affair (15 Junie). Paniek heers op die dorp Neenah, Wisconsin, wanneer die verminkte lyk van ’n jong vermiste kruideniersklerk ontdek word. ’n Onwaarskynlike inwoner doen die dapper stap en gee inligting aan die owerheid wat hulle lei na ’n affair wat ’n groot rol in die moord gespeel het en skokgolwe deur die hegte gemeenskap stuur.

3 Bludgeoned to death (22 Junie). Die toeristedorp Traverse City in Michigan is die toneel van ’n aaklige moordsaak waarin ’n 18-jarige meisie by haar werkplek doodgeslaan is. Ondersoekers sukkel om leidrade te kry oor hoekom en deur wie sy vermoor is wanneer die gemeenskap druk uitoefen vir meer inligting en ’n arrestasie. Maar daar’s ’n probleem: Die polisie dink hulle soek na ’n reeksmoordenaar.