LA’s Finest
Seisoen 2 e.tv (*194) 22:00 Aksie
Speurder Ben Baines (Duane Martin) is op die oog af sy span by die LAPD se grapjas in die aksiereeks LA’s Finest. Agter sy lawwe grappe en sy lomp handdrukke is egter ’n man wat tot die uiterste sal gaan om sy kollegas en hul gemeenskap te beskerm. “Ben is die veteraan in die span. Hy het al baie as polisieman ervaar en gebruik humor om die uitdagings van sy werk te oorkom,” verduidelik Duane. Soos seisoen 2 ontwikkel, stel Ben sy werk in gevaar om te keer dat sy kollega afgedank word en dit keer terug om by hom te spook.
1 Voordat Duane in 1990 begin toneelspeel het, het hy basketbal gespeel by die New York-universiteit waar hy studeer het. Hy is in 1989 vir die beroepsbasketbalspan The New York Knickerbockers gekies, maar het drie maande later weens ’n besering uitgeval.
2 Die 56-jarige ster het basketbal egter nie heeltemal verlaat nie. Hy besit die sportbestuursagentskap Impact Sports, waardeur hy toesig hou oor die loopbane van verskeie atlete. “Ek is al langer as 26 jaar ’n sportagent, en geniet dit om met die volgende geslag sportlui te werk,” sê Duane.
3 Hy is alombekend vir die rol van Robert in die komediereeks All Of Us, wat tussen 2003 en 2007 uitgesaai is. In die reeks is Duane se karakter geskoei op sy akteursvriend
4 Will Smith (Will in die komediereeks The Fresh Prince Of Bel-Air van die 1990’s) se stryd as enkelpa. Duane is in 1996 met
5 Tisha Campbell (Carol in die komediereeks Last Man Standing) getroud, maar die paartjie is in 2020 geskei. Hulle het twee seuns, Xen (20) en Ezekiel (9).