Winkelkaskenades
Ál ses seisoene van Superstore is op Showmax – en dis skreeusnaaks!
Daar’s chaos in groot maat in Cloud 9 wanneer Amy en kie moeilikheid veroorsaak terwyl hulle net hul werk by die winkel wil behou. Hulle is nie die skerpste messe in die laai nie, het meer persoonlike probleme as glanssterre, en is skreeusnaaks. Hier is van die beste oomblikke in die reeks:
JONAH SE YSLIKE FOUT Seisoen 1 episode 1
Die nuwelingwerker Jonah (Ben Feldman, Michael in die periodedramareeks Mad Men) is gretig om ’n goeie indruk te maak. Hy probeer wegsteek dat hy kollege opgeskop het, en jok dat hy weet wat hy op die winkelvloer doen. En om sy vaardigheid te bewys, begin Jonah artikels se pryse afmerk.
As hy meer in sy wiskunde-klasse opgelet het, sou hy agterkom pleks van 25%-korting te gee, het hy alles tot slegs 25c afgemerk – selfs die baie duur items. Gelukkig is Amy (America Ferrera, Betty in die dramediereeks Ugly Betty) byderhand om dinge reg te stel . . . en vang die verliefde Jonah totaal onkant.
BO-CHEY SWEER EWIG TROU Seisoen 2 episode 21
Hulle is te dierbaar as ’n paartjie, maar Bo Derek Thompson (Johnny Pemberton, Max in die komediereeks You’re
The Worst) en Cheyenne Lee (Nichole Sakura, Louise in die dramareeks Maggie) het ’n bietjie hulp nodig. Hulle is sedert episode 1 verloof nadat die aspirant-kletsrymer Bo die groot vraag gevra het met ’n ring van $8 (R125) wat hy in die winkel gekoop het nadat Cheyenne swanger geraak het. Hulle is die stereotipiese swanger tienerpaartjie, met min vooruitsigte benewens hul liefde vir mekaar, maar dit beteken baie – veral vir hul werkvriende wat hul troue soveel meer spesiaal maak deur almal die geleentheid in hul kisklere by te woon. Die seremonie word afgesluit met ’n dans, en ’n bietjie Bo-kletsrym . . . en hope pret by die onthaal. Hou die strooimeisie Dina (Lauren Ash) dop – sy raak broeis danksy al die liefde in die ronde en iemand gaan ’n oordosis van Dina kry!
DINA SE BABAVERRASSING Seisoen 3 episode 10
Die winkel se assistentbestuurder Dina is die laaste mens wat ’n baba moet kry. Sy’s onbeskof, kru, en wulps – sy moet eintlik wettiglik nie eers toegelaat
word om babas op te pas nie. En dit maak haar die perfekte surrogaat vir die winkelbestuurder Glenn (Mark McKinney) en sy vrou, Jerusha (Keri Kenney, Deputy Trudy in die polisiesitkom Reno 911!), wat nie swanger kan raak nie. Dis een ding om in te staan vir ’n vriend wat dros by die werk, maar Dina beskou nege maande van fisieke ongemak as niks, want sy probeer reeds sien hoeveel sy uit die situasie kan wen.
Maar dis nie die feit dat Dina gaaf genoeg is om ’n surrogaat te wees wat dit ’n prettige episode maak nie, dis omdat ons weet hoe oordrewe sy gaan word. Sy gaan veeleisender, meer van ’n diva en meer van alles wees! En as jy in gedagte hou hoe gek Dina reeds is, moet jy die ergste verwag tot sy geboorte skenk!
L STAAN VIR . . . Seisoen 4 episode 13
Die seksuele vonk tussen Jonah en Amy is byna tasbaar! Nadat hulle vir vier seisoene die onderwerp vermy het en wye draaie om mekaar geloop het, doen hulle wat alle paartjies wat heimlik van mekaar hou, doen: Hulle stry! En hulle doen dit met styl: In die middel van die Cloud 9-Valentynsdaguitstalling!
Beledigings word rondgeslinger, vingers gewys, beskuldigings gemaak
. . . en albei sê vir die eerste keer “ek is lief vir jou”. Dis so oulik, dit maak jou eintlik naar! Maar ons gee nie om nie. Hulle moet eintlik net hul aangetrokken
KYK NA JOUSELF . . . EN NA MY Seisoen 5 episode 5
Die belangrikheid van geestesgesondheid is voor Covid grootliks oor die hoof gesien. Dit is dus verrassend dat ’n episode opgedra is aan die sorg van ’n mens se gees en hart bo die fisieke liggaam. Maar wanneer jy te doen het met die breins van Cheyenne, Bo, Jonah en kie . . . ja, wel . . . dit gaan nie goed eindig nie. Dit begin met Amy wat by die werk aan die slaap raak en haar kollegas besef dat sy – én hulle – beter na hulself moet kyk.
Daar word egter nie net gelag nie – daar is twee belangrike hartsoomblikke. Dina ontdek sy het diabetes en moet haar leefstyl verander om haar toestand te beheer (want dis ’n stille heid tot mekaar erken en soen. Liefde is moeilik en niemand wil op Valentysdag alleen wees nie. moordenaar wat in die regte wêreld nie genoeg aandag kry nie). En die onwettige immigrant en gawe ou Matteo (Nico Santos) word ’n lewensafrigter vir die Cloud 9-oogkundige wat ’n geestelike hupstoot benodig.