Mnr. Eksie-perfeksie
Percivale is passievol oor sport en potjiekos.
eNuus kykNET (*144) Maandae tot Sondae 19:00
Percivale Young, wat sedert 2018 by die eNuus-span as sportanker in Johannesburg aangesluit het, bieg hy was nooit regtig sportief as ’n kind nie, maar het altyd in sport, en veral in rugby, belanggestel. “Sedert ek ’n sportjoernalis by die gedrukte media en televisie was en daarna as sportaanbieder begin werk het, het dit my horisonne baie verbreed, want ek het die geleentheid gekry om mense uit alle agtergronde te ontmoet en hul stories op ’n professionele manier aan ons kykers oor te dra.” Het jy op skool al enige aspirasies gehad om eendag ’n loopbaan in die
nuus- en sportwêreld te volg? Nie regtig nie. My pa wou hê ek moes ’n elektriese ingenieur word. Trouens, my ouers het my na ’n spesiale tegniese hoërskool in Kaapstad gestuur om in dié rigting te studeer. Maar in gr. 11 het ek ’n driedaagse joernalistieke kursus bygewoon wat my lewe heeltemal verander het en die joernalistieke vlooi het my gebyt . . . en soos hulle sê, die res is geskiedenis. Het jy op skool aan enige sport deelgeneem?
Ek was nooit ’n sportiewe kind nie. Ek het ’n bietjie atletiek probeer, maar was maar sleg. Trouens, ek moet nog eendag ’n 800 meter-wedloop waaraan ek in gr. 7 deelgeneem het, gaan voltooi. In my matriekjaar het ek vir die eerste keer ’n bietjie rugby gespeel en dit het uiteindelik my groot liefde geword. Ek het selfs ’n bietjie klubrugby in my gemeenskap (Eersterivier) gespeel, maar was nooit ’n uitblinker nie. My vrou, Leonie, terg my vandag nog dat ek nooit regtig kon rugby speel nie. Sy beweer sy het my jammer gekry en het my daarom langs die kantlyn ondersteun terwyl ek klubrugby gespeel het. Kan jy nog jou eerste uitsending as sportanker by eNuus onthou? Ek sal die aand van 19 Februarie 2018 nooit vergeet nie. Ek het ’n blou baadjie en ’n rooi das gedra. Maar die hoogtepunt van die aand was om my eerste uitsending saam die legendariese nuusanker Freek Robinson te doen. Freek het my so rustig laat voel. Watter sport is jou gunsteling om op televisie te kyk? Rugby is my voorkeursport. Ek kyk baie rugby, maar in die laaste paar maande het ek nogal ’n groot belangstelling in Formule 1-motorsport ontwikkel. Maar as ’n sportanker probeer ek maar alle sportsoorte volg, want ek moet daagliks oor allerlei sportsoorte verslag doen. Watter groot sportgeleentheid droom jy om eendag self by te woon en hoekom? Ek was al bevoorreg om ’n Wereldbekerrugbytoernooi by te woon, maar my grootste droom is om eendag die Olimpiese Spele by te woon. Dit is een van die groot sportbyeenkomste wat my om verskeie redes emosioneel maak. Jy hou baie van potjiekos – wat is jou gunsteling-potjie om self te maak? Ek kan vir ure saam met my vrou of met goeie geselskap langs ’n vuur sit terwyl ek ’n potjie maak. En daar is niks so lekker soos ’n beespot met vars groente nie. Ek spog altyd met my beespotjie. As ons gaste by ons huis kry, soek ek altyd ’n verskoning om ’n potjie te maak. Jy het twee kinders Luke (10) en Amy (7) – hoe bring jy gehaltetyd saam met hulle deur? Luke en Amy neem aan buitemuurse aktiwiteite soos sokker en gimnastiek deel. Ek en my vrou, Leonie, woon gereeld hul oefensessies en wedstryde by. Wanneer ons nie by sportgeleenthede is nie, speel ons in die park of bring tyd saam deur op stapstaproetes. Wie iis jou huidige sport
helde? hel Elke nou en dadan duik daar ’n ssportpersoonlikheid oop wat jou asem wwegslaan. Hetsy op ddie internasionale rurugbyvelde of sokkervevelde. Maar ek het ’n sagtsagte plek vir atletiek. Eliud KKipchoge, die langafstalangafstand-atleet van Kenia, is ’n goeie voorbeeldvoo daarvan. Dis ’n sportman wat omtrent alles in atletiek bereik het – insluitende verskeie wêreldrekords wat hy verpletter het.