ONTMOET DIE DEELNMERS
Daar was honderde inskrywings vir die reeks. “Ons het dit uitgedun tot net agt ongetroude vroue, tussen 20 en 40 jaar oud,” sê Nini.
Dane Venter (26) is ’n persoonlike assistent van Pretoria. Dane sê haar sprankelende persoonlikheid en eerlikheid sal haar laat uitstaan en sy het verskeie vaardighede. “Ek kan inderdaad alles doen.”
Mary Jane Zimri (32) is ’n drama-onderwyseres van Kaapstad en sê haar selfvertoue, onafhanklikheid en dapperheid maak haar trouvroumateriaal.
Nastassja Ras (37) is die eienares van ’n spa en salon in Pretoria. “My positiewe persoonlikheid en sterk leierseienskappe maak my uniek,” sê Natassja.
Neenã Macaïre Bezuidenhout ( 25) is ’n grimeerkunstenaar van Mtunzini in KwaZulu-Natal. “Ek glo ’n trouvrou is iemand wat sterk is sodat sy haarself en ander kan versterk,” sê Neenã.
Chante Hart (24) is ’n aktrise en fiksheidsinstrukteur van Kaapstad, en sê: “My sin vir humor, algemene kennis en hunkering om voortdurend nuwe goed te leer, maak my waardig vir die kompetisie en die titel Trouvrou.”
Stacy Gossayn (25) is ’n chirurgiese ortopediese verteenwoordiger van Pretoria. “Ek dink benewens ’n half-Libanese en half-Suid-Afrikaanse agtergrond het ek op ’n plaas grootgeword met drie broers wat my baie lewensvaardighede geleer het,” sê Stacy oor wat van haar ’n trouvrou maak. Leandri Willemse ( 33) is ’n mode-ontwerper van Ladismith in die Wes-Kaap. “My aanpasbaarheid is een van my sterk punte en my kookvernuf maak my beslis ’n trouvrou,” sê Leandri. Kedeshia Hillier (26) is ’n entrepreneur en spysenier van Oos-Londen in die Oos-Kaap en sê om ’n verskil in ander se lewe te maak is haar X-faktor om die kompetisie te wen.