Obsessiewe gedrag
Zee se eks daag op en veroorsaak groot probleme.
Dit was nie vir dr.
Zee (Zanel) Jordaan (Mila Guy), maklik om haar voete in die Binneland-kliniek se ongevalle-afdeling te vind nie. Sy moes telkemale haarself, asook haar vermoëns as dokter bewys, maar sy het geleidelik genoeg selfvertoue opgebou om haar man (of dan vrou!) te staan. Maar alles waarvoor sy so hard gewerk het, word bedreig wanneer haar ekskêrel Niel Jooste (Pascual Wakefield, Henk in die komediereeks Troukoors) by ongevalle opgeneem word.
TWEEDE KANS
“Niel en Zee was in ’n ernstige verhouding en het vir ’n paar jaar saamgebly,” sê Pascual. “Hulle was lief vir mekaar, maar iets het skeefgeloop tussen hulle.” Presies wat dit was, mag Pascual nie sê nie, maar verklap: “Niel wil Zee met sy hele hart terughê en wanneer hy haar in ongevalle sien, glo hy dis sy tweede kans.”
Zee is jammer om te hoor Niel is siek – hy het flou geval by die gim en is na ongevalle gehaas. “Maar Zee kan nie weer by Niel betrokke raak nie,” sê Mila. “Nie eens as sy dokter nie.”
SKINDERSTORIES Liam
Dr. (David Viviers) neem Niel se versorging oor. Hy probeer vasstel wat Niel makeer. Niel jok egter oor sy mediese geskiedenis, maar erken wel hy neem nie tans sy hartmedikasie nie. “Dit veroorsaak groot frustrasie vir Liam en Zee,” sê Mila. “Liam bespreek Niel se saak met Zee en sy verstaan nie hoekom hy die hartmedikasie los nie. Niel se pa is aan ’n hartaanval oorlede en sy toestand is geneties,” sê Mila. Boonop vertel Niel die verpleegsters staaltjies van sy verhouding met Zee, en nou lê skinderstories die gange vol.
AGGRESSIE
Later vra die paramedikus Danny (Bradley Olivier), Zee se vriend, haar reguit wat presies tussen haar en Niel gebeur het. “Zee verklap nie veel nie, maar erken Niel was nie altyd so obsessief oor oefening nie,” sê Mila.
Liam sukkel steeds om ’n diagnose vir Niel se simptome te kry, en dink eers Niel het ’n virale infeksie, maar besef dan Neil het tendonitis – ontsteking van ligamente en spiere. “Niel gebruik iets wat hom so siek maak, maar rep nie ’n woord daaroor nie,” sê Pascual. Later probeer Niel Zee oorreed om hulle weer ’n kans te gee, maar Zee laat hom verstaan daar is geen manier dat sy weer met hom ’n verhouding sal aanknoop nie. “Niel raak aggressief tydens die gesprek,” sê Pascual. En Niel gaan Zee duidelik nie so maklik net los nie.
VERLEDE KEER
Conrad en Louis was woedend toe hulle Rita in die Kosterhuis sien en besef sy is Andries se versorger, en Tracy en Conrad het verby mekaar begin leef.
IN DIÉ UITGAWE
Conrad erken sy hulpeloosheid aan Tracy, Gaby hoor verskillende weergawes van dieselfde gebeurtenis, en Zee is geskok oor wat sy by Niel hoor. Louis se rit word onderbreek deur ’n oproep, die oorsaak van Niel se pyn is ’n raaisel, en Annelize se rekenaarprobleme dwing haar om hulp te vra. Danny en Chanel het ’n meningsverskil oor Niel, Delia draai nie doekies om nie, en Gaby ver tel Karen hoe sy werklik voel. Conrad kry ’n laaste waarskuwing, Liam maak ’n indruk op sy kollegas, en Tracy is ongelukkig wanneer sy onverwags by ’n situasie inloop. Liam begin dink sy besluit was ’n fout, Conrad en Steve is bekommerd oor Annelize, en Zee en Liam wonder oor die gerugte wat die ronde doen.
Chanel en Danny het ’n uit val oor ’n dokter, Dawid het net een doel, en Conrad wil nie Jacques se hulp met sy probleem hê nie. Liam lees vir Niel die leviete voor, Louis is ontsteld oor Delia se daad, en Delia bespreek haar probleme met Conrad. Zee begin wonder oor Danny se teorie, Jeremy is vuur en vlam om te begin, en ’n gesprek oor ’n telefoonoproep laat iemand rooi sien. Conrad en Annelize wonder hoe hulle Rita saam met hulle kan laat werk, Niel verloor kop, en Tracy en Conrad baklei weer.
• Lees meer op bl. 49.