Boe­re en boos­wig­te

Weg! Platteland - - Vertel Ons - Lou­is Mul­der, BELL­VIL­LE

Soos baie an­der le­sers het ek die koms van nóg ’n nu­we tyd­skrif deur­ge­maak met die hoop dat dit die toets van ons e­ko­no­mie­se tye sal deur­staan… as ’n ou lief is vir die pa­pier­me­di­um, is ’n lief­li­ke tyd­skrif soos Plat­te­land met sy keu­ri­ge ver­men­ging van ar­ti­kels, ge­sel­sies en in­te­res­sant­he­de ’n aan­wins in e­ni­ge huis.

Aan­ge­sien ek die af­ge­lo­pe ses we­ke in ’n hos­pi­taal­bed moes deur­bring, kon ek nie wag vir jul­le win­ter­uit­ga­we nie. En tog, in my hart bly daar ’n vorm van te­rug­hou en oor my skou­er loer... Sien, ek is self ’n ge­bo­re plaas­kind. My ou­ers het bui­te V­re­den­dal ge­boer in tye toe boer­de­ry nog ’n e­del be­staan was, maar ons boe­re word on­ge­luk­kig nou die tei­ken van boos­doe­ners.

Deur die ja­re het ek al­tyd ’n be­geer­te ge­had om self te boer – iets waar­voor ek nou glad nie meer kans sien nie.

Hoe boer en voer jy ’n be­staan as jou le­we en dié van jou fa­mi­lie be­dreig word?

Ter­wyl ek so deur die Plat­te­land lees, won­der ek hoe­veel van die le­sers voel soos ek. Hoe­veel sou ook graag plat­te­land toe wou skuif as die om­stan­dig­he­de in ons land an­ders was? Hoe­veel kin­ders word om hier­die re­de ’n sorg­vrye plat­te­land­se be­staan ont­neem? En sal die wiel ooit weer draai so­dat hier­die el­len­des kan ein­de kry?

Tot dan, baie dan­kie vir ’n uit­mun­ten­de tyd­skrif – ek sal voort­gaan om my in die lek­ker­te daar­van te ver­lek­ker!

Newspapers in Afrikaans

Newspapers from South Africa

© PressReader. All rights reserved.