MARBLE HALL
As jy in jou omswerwinge dalk die dorpie Marble Hall in Limpopo raakry, kan jy gerus aftrek vir padkos by Udo’s Deli & Slaghuis op Government Square in die middedorp. Dis ’n tipies plattelandse vleispaleis met enigiets van goeie vleis tot boerewors en biltong, maar hier is ook allerlei kleinkoekies en ander soetgebak, konfyte, slaaisouse, soetgoed en wegneemetes – en nou praat ons nie net van pasteie, toebroodjies, vetkoek, jaffels en slaptjips nie, maar ook slaaie, bredies, pap en wors en selfs hoenderpote. Udo vertel hy het in een maand al 1,6 ton pap gemaak... Kontak 076 013 5812 (deli) of 082 944 0208 (Udo)
Udos Deli Slaghuis