Agterplaas-braaikuikens

• Voordat jy ’n braaihoenderbesigheid aandurf, kyk mooi na jou mark: Waar is die aanvraag? Kan jy meeding met die prys wat jou potensiële klant tans betaal? Hoe ver is die mark van die plaas af? Hoe ver is die abattoir? • Soek ’n goeie bron vir vloerbedekking. Versprei die boodskap onder saagmeulens dat jy op soek is na skaafsels. Ons koop nie vloerbedekking nie – ons krap net rond hier by die saagmeulens. Party mense kom laai sommer saagsels hier op die plaas af. • Hoe verder jy van ’n voermeule af is, hoe duurder is jou vervoerkoste vir kos. Koop voer van ’n verskaffer wat toets vir gifstowwe. • Moenie te veel hoenders aanhou nie. Hulle het ruimte en ventilasie nodig. In die winter moet jy nie die skuur te dig toemaak nie, want dit kan asemhalingsiektes veroorsaak. In die somer kan hulle oorverhit en vrek.