Lees meer

HOENDERS IN DIE AGTERPLAAS

Backyardchickens.com is ’n goeie webwerf vir alles wat jy moet weet om hoenders verantwoordelik groot te maak – daar is ook ’n aktiewe gebruikersforum, goeie inleidende afdelings en gedetailleerde inligting. Soos enige ander lewende hawe is hoenders ’n groot verantwoordelikheid. As jy dit oorweeg om hoenders te kry, moet jy deeglik bewus wees van hoeveel tyd en hulpbronne dit van jou sal verg.

OM HOENDERS TE SLAG

Daar is talle grieselrige Youtube-video’s oor hoe om hoenders so menslik as moontlik te slag. Dit voel dalk aaklig om hierdie video’s te kyk, maar as jy bereid is om ’n hoender te slag, behoort jy ook bereid te wees om te kyk wat die beste manier is om dit te doen.

Die meeste ervare, deernisvolle bronne stem saam dat die afsny van die nekslagaar byna oombliklike dood veroorsaak met min of geen gespartel of enige ander tekens van angs nie. Dié metode sorg ook vir vleis van beter gehalte. Die volgende webblad is geskryf deur iemand wat diep besorg is oor dierewelsyn en maak ’n weldeurdagte saak hiervoor uit:

peterdickinson.hubpages.com/hub/ How-to-kill-a-chicken