Kies ’n kultivar
FUERTE
Dit is die topverkopervariëteit in Suid-afrika. Die vrugte het ’n gladde groen skil met romerige liggroen vleis en word tussen Maart en Augustus ryp. Die bome vaar ook goed in koeler
streke. (19%*)
PINKERTON
Die bome is baie aanpasbaar en lewer tussen April en Junie ’n besonder hoë opbrengs in ’n verskeidenheid
groottes. Dit pitte is klein. Dit is Braam van den Heever
se gunsteling. (13%)
MALUMA
Die groot voordeel van hierdie Hass-variëteit is dat
dit baie vroeër ryp word (Maart tot Mei). Die pit is ook kleiner, wat beteken die vrug
het meer vleis. (9%)
HASS
Dié voorste uitvoervariëteit het ’n goeie raklewe en is tussen April en Augustus beskikbaar. Die skil verkleur van groen tot perserig-swart wanneer dit ryp is. Die Lamb Hass-variëteit, wat tussen Julie en September beskikbaar is, is baie produktief, geurig en dra groter vrugte as die gewone Hass. (40%; Lamb Hass 3%)
REED
Dié variëteit is nog in ’n toetsfase, maar lewer lieflike groot, ronde vrugte wat van Oktober tot Desember
beskikbaar is.
EDRANOL
Dié baie smaaklike avokado met sy botterige geel vleis en semi-ruwe, mediumdik skil wat maklik aftrek, dra vrugte van Julie tot September en is die gunsteling van Clive Garret, bemarkingshoof by ZZ2. (0% – ZZ2 gebruik dit om nuwe
bome te kweek)
RYAN
Hierdie kruising van Mexikaanse- en Guatemalaansetipe avokado’s lewer tussen Junie en November peervormige vrugte met ’n leeragtige growwe groen skil en
groot pit. (11%)