IN ’N NEUTEDO(R)P
Hoe ver van die grootstad af? Ongeveer 200 km van Bloemfontein en 70 km van Colesberg af. ( Colesberg is nou die polsende metropool halfpad tussen Johannesburg en die Kaap. – Reds.) Johannesburg is 650 km van Philippolis af.
Geriewe Uhm... hier is ’n koöperasie en ’n vulstasie. (En albei maak om 17:00 toe.) En dan ’n Foodzone en Pep.
Naaste hospitale Trompsburg het ’n splinternuwe staatshospitaal gekry, maar teen druktyd was dié nog nie oop nie. Daar is wel twee goeie private hospitale in Bloemfontein: die Mediclinic en Rosepark. Aftreeoord Daar is geen opsies op Philippolis nie, maar baie mense gaan glo na die Trompsburg tehuis vir bejaardes (70 km). Skole Hoërskool Philippolis (op die dorp). Die meeste ouers neem hulle kinders Bloemfontein toe waar daar ’n hele klomp goeie skole is.
Naaste Woolies Bloemfontein (200 km).
Munisipaliteit Kopanong-munisipaliteit, een van drie wat onder die Xhariep-distriksmunisipaliteit val. Kopanong bestuur buiten Philippolis ook Gariepdam, Springfontein, Bethulie, Jagersfontein, Fauresmith, Edenburg, Reddersburg en Trompsburg, waar die hoofkantoor ook is.
Groot gedoentes Die jaarlikse Saalperdskou word op 7 November gehou – dit word gereken as een van die grootstes in die land. Die dorpie is gewoonlik lank voor die tyd volbespreek – reël jou verblyf dus vroeg as jy wil kom kyk.
Inligting philippolis.co.za of philippolisinfo.co.za Vir meer inligting oor die dorp – ook oor nog doendinge – bel vir Deon Beneke by
082 956 9291.