Tuin­dag­boek

Ba­si­lie, pie­ter­sie­lie, sa­lie... noem maar op. In die warm maan­de is kruie op hul­le geil­ste. Hier is ’n plek wat nie net kruie ver­koop nie, maar ook ’n rits an­der in­te­res­san­te plan­te. En die goeie nuus is hul­le le­wer land­wyd af.

Weg! Platteland - - News - DEUR MA­JA PALM

Hier’s ’n klom­pie skaars kruie- en me­di­si­na­le plan­te

Aan die voet van die Ma­ga­lies­berg oos van die Hart­bees­poort­dam lê Moun­tain Herb E­sta­te, ’n fa­mi­lie­on­der­ne­ming waar al tien jaar met kruie ge­ëks­pe­ri­men­teer word. Zir­kia Swart, me­de­ei­e­naar, sê hier kan jy al die won­der­li­ke krui­e­plan­te koop waar­van jy net in boe­ke lees: In­die­se gin­seng, wil­de­als, kan­ker­bos, nas­ter­gal, to­ma­til­lo en nog ve­le meer. Die goeie nuus is dat Moun­tain Herb E­sta­te plan­te, droë kruie en saad reg oor die land koe­rier. Hier is ’n paar wat jy moont­lik nog nie in jou tuin het nie.

Tand­pyn­plant ( S­pi­lant­hes a­cmel­la var. O­le­ra­cea) “As jy dié plant se blom­kop byt, word spi­lant­hol vry­ge­ stel, ’n stof wat ’n vreem­de tin­tel­ge­voel in jou mond ver­oor­saak en tand­pyn en keel­seer help ver­doof. Ge­bruik die vars bla­re net so in slaai, of s­to­we die bla­re en blom­kop­pe saam en sit dit voor met e­ni­ge groen­te­ge­reg.”

Wil­de­ap­pel­lie­fie of in­ka

bes­sie ( P­hy­sa­lis pe­ru­vi­a­na) “Die in­ka­bes­sie dra vrug­gies met ’n lan­tern­vor­mi­ge hulsel en smaak na ker­sie­ta­ma­tie met ’n sweem­pie ka­neel daar­by. Die vrug­gies kan vars ge­ëet word óf jy kan dit s­to­we en dan ge­bruik in ter­te, koe­ke, jel­lies en sal­sas. Dit kook ook lek­ker kon­fyt en blat­jang. Die vrug­te is nie net pro­te­ïen­ryk nie, maar ook prop­vol vi­ta­mien A, C en B.” Bor­rie ( Cur­cu­ma lon­ga) “Bor­rie is ’n meer­ja­ri­ge plant met ’n blaar­vorm soos dié van kan­nas. Die ri­so­me word vars ge­bruik of ge­droog en ver­poei­er. Bor­rie het ’n aard­se, iet­wat bit­ter en pe­pe­ri­ge smaak, en word tra­di­si­o­neel ge­bruik in ker­ries en as geel kos­kleur­sel.” Cey­lon­spi­na­sie ( Ba­sel­la ru­bra) “Die bla­re van dié vin­nig­groei­en­de rank­plant kan vars ge­ëet word en smaak soos beet. Jy kan dit ook saam met an­der groen­te in bre­dies sit. Die bla­re is ryk aan vi­ta­mien A en C, kal­si­um en ys­ter. Dit het min ka­lo­rieë, maar is ’n goeie bron van pro­te­ïen en ve­sel. Die sap kan ook as pers kleur­sel ge­bruik word.”

To­ma­til­lo ( P­hy­sa­lis ixo­car­pa) “Die to­ma­til­lo dra klein ta­ma­tie­vor­mi­ge vrug­te in ’n hulsel, en die vrug raak met­ter­tyd pers. ’n Ryp to­ma­til­lo eet jy net so van die plant af, óf kik­ker ’n bre­die, sop, kon­fyt of ’n ta­ma­tietert daar­mee op. As jy ’n sal­sa met to­ma­til­lo wil maak, moet jy dit pluk voor­dat dit heel­te­mal ryp is.”

Kon­tak 082 924 3076 herbgar­den.co.za

Die oor­vloe­di­ge sei­soen in die tuin het aan­ge­breek. Uit­bun­di­ge kleu­re en geu­re. Mand­jies vol vrug­te, groen­te en kruie. Rol jou moue op en be­gin plant, proe en oes.

Newspapers in Afrikaans

Newspapers from South Africa

© PressReader. All rights reserved.